Ensaluto

Blogoj

Vivo

 

 

Vivo

 

Vivo vivo...
Kial vi ne faciliĝas iomete?
Mi jam tre sufiras,
Ĉu ne sufiĉas? Ĉu vi ne vidis?

 

Vivo vivo...
Lasu min vivi iomete,
Mi jam preparis min
Ĉu ne sufiĉas? Ĉu vi ne vidis?

 

Vivo vivo...
Faru bonaĵon por mi iomete
Mi mortantas,
Ĉu ne sufiĉas? Ĉu vi ne vidis?

 

Dankon vivo,
Pro kiam vi ekzistis!

bildo de Guilherme

Esperantoj nordaj

...estas grupo en ipernity kie vi trovos artikolojn kaj fotojn el la nordo...

bildo de esocom

Ĉinio estas tro malfacila predo por Google

En la salutpaĝo de google, en la kutima loko de la literoj "oo" vidiĝas kateno. En la serĉ-rubriko oni povas legi: "La buĉado de placo Tiananmen".

Sub ĝi legeblas averto: "Did you mean: please come arrest me, take me to re-education camp” (Eble vi deziris skribi, ke oni arestu vin por kondamni al punlaborejo.)

La citita interreta ŝerco estas iom tro kruda kiel humuraĵo, tamen ĝi bone indikas, kiomgrade Google ŝokis la publikon, kiam por ekhavi pozicion en la ĉina merkato, en 2005 ĝi aprobis bloki la politike malavantaĝajn trovojn.

Antaŭnelonge la serv-komputilojn de google trafis atakoj. Google tuj deklaris interrompi la kooperadon, kaj eble forlasi la merkaton de Ĉinio. La ĉina registaro deklaris, ke ili tute ne estas kulpaj en tiuj atakoj, kaj Google emfazis, ke tia suspekto eĉ ne aperis.

Do la intenco: forlasi tiun landon, ŝajnas absoluta sensencaĵo.

Kio povas esti la klarigo?

Inter la baze gravaj negoc-kampoj Ĉina estas la unusola, kie Google ne sukcesis venki la rivalojn. Preskaŭ du trionoj de ĉinoj uzas la serĉilon Baidu.com. La reklam-enspezoj grave restis sub la - cetere modestaj - pretendoj de la firmao.

Konsiderinde, ke ne nur Google, sed samtempe 30 usonaj firmaoj suferis atakojn multe pli gravajn kaj multe pli danĝerajn, tamen nur Google kondutis tiel malamike.

Google jam komencis la forlason de tiu landego, la "Guglaj" dokumentoj kaj retejoj jam ne estas atingeblaj el Ĉinio. Gmail ankoraŭ funkcias.

 

bildo de Akva

Ĉu gajni monon per esperanto?

Blogero el Ipernitio:  http://www.ipernity.com/blog/berga/227320

Esploro pri esperantista komercado

lundo 8a de Februaro 2010 je 16:29

Nuntempe mi estas senlaborulo, unu el la kvar milionoj da tiaj loĝantaj en Hispanio. Tamen mi iel tiel elturniĝas por trovi enspezojn. Inter miaj rimedoj estas vendado en loka stratbazaro kaj tra interreto, kio havas du vojojn, vendado al proksimaj klientoj aŭ al klientoj por la tuta lando ( mi ne kuraĝis ankoraŭ vendi internaciskale, kvankam kelkaj eksterlendanoj plukas en la hispania vendportalo).

Mi ŝatus scii ĉu aliaj esperantistoj emus kunlabori per interŝanĝo de vendotaj varoj. Ekzistas la ebleco minimumigi la riskojn en la komenco per preskaŭ nula investo (aparte sendokostojn), mi klarigas:

Inter la varoj kiujn mi portas al surstrata bazaro troviĝas kelkaj akireblaj pli malpli senpage, kiel ekzemple sukersaketoj, libromarkiloj, uzitaj poŝtmarkoj, loteriaj biletoj, trajnbiletoj, cigarringoj, poŝkalendaroj, ktp. Mi antaŭsupozas ke en aliaj landoj la afero similas. Mia propono estus interŝanĝo de tiaj varoj inter diverslandanoj, tiel ke ĉiu vendisto povu oferti al siaj koncernaj klientoj pli ekzotikajn/rarajn ekzemplerojn.

Mi posedas plurajn stokojn el diversaj kolektindaĵoj kaj pretas unuapaŝe sendi provekzemplerojn al interesiĝantoj. Mi sugestis principe paperajn aferojn por faciligi sendadon sed, kompreneble, indus pristudi alispecajn produktojn laŭ la cirkonstancoj kaj konfido.

Se diversaj homoj interesiĝus ni povus krei apartan grupon en Ipernitio. Kaj se iu havas similajn proponojn, mi bonvenigos informon tiurilate.

bildo de Karulo
bildo de fizikisto

Vorta partigado

Por vorta partigado unue vi elektu vorton kun almenaŭ 8 literoj. Nun ĉiuj ludantoj kreu novajn vortojn el tiuj literoj. Post kvin minutoj oni nombras la trovitajn vortojn - gajnas kiu trovis plej multajn vortojn.

Ĉiun radikon oni rajtas uzi nur unufoje. Do, post skribi VIRO la vortoj VIRINO, VIRA, ... ne estas permesitaj.

Ekzemplo: Elektita vorto SALUTON

Trovitaj vortoj:
AL, SALO, ULO, SALTO, NUL, LUNO, LANO, ANO, OL, LA, TASO, NASO, SANO, LASU, ...

Ankaŭ eblas ludi kune anstataŭ unu kontraŭ la alia. Por tio oni povas skribi la trovitajn vortojn sur tabulon, por ke ĉiuj ludantoj povas facile legi ilin.

japana kulturo: "Secubun"

(klaku la bildon)

Secubun (節分) estas tradicia festotago japanie por festi la veno de printempo kaj nova jaro. ĝi festiĝas ĉiujare je la 3a de februaro. ĉi-tage, por bonveni ŝancon ("fuku") kaj forigi malbonon (ekzemple dajmonoj) kutimas ĵeti sojfabojn je dajmonoj (aŭ je homoj, kiuj surhavas dajmonan maskon) dirante "oni ua soto, fuku ua uĉi!" (laŭvorte "dajmonoj forigu, ŝanco enigu!"). ankaŭ estas aliaj tradicioj, sed fabo-ĵetado estas la plej amuza. ;)

bildo de noktema
bildo de Anna Striganova

Estajxo

la estonteco... ktp.

al ĉiuj, kiuj respondis al mia lasta afiŝo: dankojn. <3 ĵaŭdon, mi donis la formularon pri rekontraktado al la superulo kaj do oficialigis, ke mi ne rekontraktos. mi malfeliĉas pro foriri Japanion, kompreneble, sed mi feliĉas pro la (plej grava) kialo. :) mi devos fari multon antaŭ aŭgusto, kiam mi foriros (inkluzive de viziti samideanajn amikojn japanie ;).

tiale, nun mi klopodas plani vojaĝadon ktp por la resto de mia tempo japanie. ( legu plue je mia blogo )

bildo de noktema
bildo de fizikisto

Tabuo

Por tabuo vi bezonas multajn ludkartojn. Sur ĉiu karto vi skribu vorton divenendan, kaj kvin pliajn vortojn, kiuj rilatas al unua vorto.

Du teamoj kontraŭas. Unua ludanto de teamo A prenas karton kaj priskribu la divenendan vorton, sed la vorton kaj la pliajn vortojn li ne menciu. Teamo B kontrolas ke li ne uzu tian vorton. Teamo A provas diveni la serĉitan vorton. Dum unu minuto la unua ludanto rajtas priskribi kiel eble plej multe da vortoj. La teamo A ricevas poenton por ĉiu trovita vorto.

Post unu minuto unua ludanto de teamo B daŭrigas ktp.

Ekzemploj por ludkartoj:

orelo (aŭdi, aŭskulti, kapo, flanko, vizaĝo)
rozo (ruĝa, odoro, floro, ĝardeno, bela)
pomo (manĝi, ronda, arbo, frukto, kreski)

Kiam komencantoj kunludas, ili rajtas uzi la pliajn vortojn.

bildo de Anna Striganova

Katido

Abonrilata enhavo


povigita de