Blogo de boriso

Dum kreado kaj redaktado de blogaĵo, ekzistas ebleco "alglui" sian blogaĵon al ajna grupo je kiu oni jam aniĝas. Ekzemple,  se vi skribas pri ekologiaj advantaĝoj je senvianda nutrado, vi povas glui vian tekston al "verduloj" kaj "vegetaranoj", se vi skribas tekston pri esperanta movado en Ĉilio, vi povas glui tiun blogaĵon al la grupo "Amerika Agado" kaj al la grupo "Ĉilia Esperanto-Asocio", ktp. Tio riĉigas la blogaron de individuaj grupoj, kaj helpas pri laŭtema (laŭgrupa) enarĥivado de enhavo ĉe Esperanto.com

En la paĝo pri kreado (aŭ post kreado, pri redaktado) de blogaĵo estas iu menuero nomata "Grupo". Klaku ĝin, kaj aperos la listo de grupoj en kiujn vi rajtas glui vian blogaĵon. Por elekti plurajn grupojn, kutime ekzistas iu klavo kiun oni devas plupresi dum oni klakas unu grupon post la alia (ĉe mia komputilo estas la klavo "ctrl").

Saluton !

Mi ĵus ŝanĝis la nomon de ĉi-grupo (de reta belarta konkurso al Belskribado). Mi unuavice intencis rete imiti la belartan konkurson kiu okazas en UK ĉiujare. Sed mi kredas ke la ideo de konkurso eble malkuraĝigos homojn publikigi siajn tekstojn.

Nun, la grupo nomiĝas Belarta skribado, kaj ĝi estas ejo kie homoj povas publikigi siajn tekstetojn, sentime !

Mi esperas ke tiu grupo ankaŭ helpos logi pli kaj pli da esperantistoj al Esperanto.com, kaj do riĉigi nian tutmondan virtualan komunumon. Do, partoprenu, kaj invitu viajn belskribemajn amikojn aniĝi al Esperanto.com. Ankaŭ mi invitas vin krei grupon, kiun vi scias jam interesas multajn esperantistojn, kaj poste informu tiujn pri la ekzisto de Esperanto.com kaj de la koncerna grupo. Tio laŭ mi estas unu tre bona maniero plivigligi Esperanto.com

Jen mesaĝo de Renato Corsetti kaj Martin Schaffer, sendita al pluraj retpoŝtaj listoj. Mi publikigas ĉe la ĝenerala blogejo, kaj en la grupo Movadaj Anoncoj, kiel plia ekzemplo de mesaĝo taŭga por tiu grupo.

Revo povas farighi realo!

Mi kreis grupon por movadaj anoncoj kaj alvokoj al la esperantistaro. Kaj jen mi plusendas retmesaĝon de Neil Blomstein por esperanta voĉdonado ĉe la retejo change.org. Ĝi estas bona ekzemplo de mesaĝo kiu aperu en la grupo Movadaj Anoncoj.

"Karaj Geamikoj!

Mi ŝatus peti Vian urĝan helpon.

Fine de 2008 kaj komence de 2009 la tutmonda esperantistaro atingis grandan sukceson. En la usona "Obama-kampanjo" de la organizaĵo Change.org  la pri-esperanta propono de Oleg Izyumenko el inter preskaŭ 8.000 proponoj atingis la 25-an lokon. Ekde tiam ankaŭ UEA estas partnera organizaĵo de Change.org , - kiu havas 1.000.000 da membroj, precipe en Usono.

Antaŭ kelkaj tagoj la organizaĵo Change.org komencis novan kampanjon. La 10 plej popularaj proponoj estos prezentotaj al la registaro de prezidanto Obama. La voĉdono havas du fazojn. Ĝis marto de 2010 okazos la unua fazo. La dua fazo komenciĝos en marto.

Vi devos voĉ-doni du fojojn: nun kaj komence de Marto. Se ankaŭ la nova, pri-esperanta propono de Renata Ventura estus inter la "top-10" proponoj, milionoj da usonaj homoj povus informiĝi pri la ekzisto de Esperanto. La voĉdono estas do bonega, senpaga reklamo de la Internacia Lingvo… Dum granda parto de la unua fazo ni estas inter la dek plej voĉ-donataj proponoj. Ni restu tie!

Momente tiu ĉi propono kun cirkau' 500 voĉoj estas sur la unua loko en la kategorio de "Education".

Ni petas Vin, bonvolu voĉdoni. Ĉiu retadreso rajtas voĉdoni unufoje.

Antaŭ la voĉdono oni devas ensaluti per retadreso kaj pasvorto. Se Vi jam voĉdonis pasintjare, uzu la butonon "Login" kaj - se la servilo ne akceptas la malnovan pasvorton - klaku al "Forgot password?". Se Vi ankoraŭ ne membriĝis, uzu la butonojn "Join" kaj "Sign up".

Klaku al la suba retejo

Saluton !

Mi kreis novan grupon por komencantoj: http://esperanto.com/grupoj/komencantoj

Se vi nuntempe instruas al komencantoj aŭ havas komencantajn amikojn, instigu ilin aliĝi al esperanto.com (verŝajne ili bezonos vian helpon ĉar la tuta retejo estas esperantlingva). Sekve, kuraĝigu ilin skribi simplajn blogaĵojn (ekzemple, nomo, loĝloko, ŝatoj, ktp). Mi mem instigos miajn studantojn aliĝi al la retejo kaj al la grupo.

La grupo "komencantoj" celas esti maltimiga/kuraĝiga esperanta sociumejo por komencantoj. Tie ili povu amikiĝi kun aliaj komencantoj.

La celo de la grupo do ne estas unuavice perfektigi la lingvon sed krei sociajn kontaktojn. Nekomencantoj estas ankaŭ bonvenaj partopreni la grupon, sed bonvole ne skribu malsimplajn blogaĵojn aŭ diskuterojn tie, kaj ne korektu la la tekstojn de komencantoj krom se ili specife petas tion de vi.

Se iu ŝatus kunadministri tiun grupon, bonvole kontaktu min.

Bonvenon ĉe la grupo Esperanto 2.0.

Jam ekzistas kelkaj fadenoj ĉe la diskutejo, pri vortofarado kaj neologismoj, pri sufiksoj -iĉ- kaj -in-, pri landonomoj, ktp.

Vi estas bonvenaj mempublikigi diskutfadenojn kaj/aŭ blogerojn.