Ensaluto

Blogo de Dima Ŝevĉenko

Ni konservu informojn pri E-aranĝoj

Kiujn Esperanto aranĝojn vi planas partopreni kaj/aŭ organizi ĉi jare?
Aldonu informojn pri viaj Esperanto-aranĝoj al la listo, kalendaro kaj mapo! Alŝutu fotojn, aldonu aliĝilojn, bildojn, informilojn kaj ajnajn aliajn materialojn. Publikigu viajn impresojn kaj fotojn pri la pasintaj Esperanto-renkontiĝoj. Ni konservu informojn kaj sperton por la estontaj generacioj de esperantistoj, por ke ili vidu laŭeble plenan bildon de Esperanto-agado, sed ne nur kurtajn indikojn de datoj kaj nomoj, kiujn necesus ĉerpi el diversaj foraj partoj de la interreto, kvazaŭ konstante perdiĝantajn grajnetojn.
esperanto.com/esperanto_mondo

bildo de Dima Ŝevĉenko

SES en Rusio

Karaj geamikoj,
Proksimiĝas somero – kaj kune kun ĝi – la kerna aranĝo de MASI-E@I – la unua en Rusio Somera Esperanta Studado (SES-Rusio, 17-25.08, Solneĉnogorsk). La aranĝo pasos en ripozejo 60 km de Moskvo, kun lago kaj arbaroj. Ĝi promesas esti tre riĉenhava, interesa kaj amuza. Jam pretas forta teamo de elstaraj instruistoj por ĉiuj lingvoniveloj: de A ĝis C, okazos ankaŭ kurso pri la rusa lingvo kaj kurso por tradukistoj gvid’de Mikaelo Bronŝtejn. Venos koncerti JoMo kaj Gijom, estos riĉa nacia koncerto kaj multaj aliaj, ankaŭ primovada, distra kaj sporta programoj. Sed plej specifaj programeroj estos la Tuttaga ekskurso al Sergiev Posad, gvidata de esperantisto pastro-monaĥo Tavrion, kaj duontagaj ekskursoj al Klin (domo-muzeo de la fama komponisto Pjotr Ĉajkovskij), Ŝaĥmatovo (bieno de la misrera poeto Aleksandr Blok) kaj Istra (la monakejo Nova Jerusalemo). Dezirantojn atendas ankaŭ la tri antaŭSESaj Moskvaj Tagoj kun riĉega ekskursa programo.
Pliaj informoj troveblas en la paĝaro de SES-Rusio
http://ses.ikso.net/2014/ru/ ,
inkluzive pri la kotizoj kaj aliaj prezoj:
http://ses.ikso.net/2014/ru/Kotizoj?setlang=ru ,
kaj en la grupo de la socia retejo “V Kontakte”
http://vk.com/ses_rusio .

bildo de Dima Ŝevĉenko

Esperanto.com. Baldaŭ 5-jara. Kio plu?

La 21-an de februaro nia komunumo Esperanto.com iĝos 5-jara. Dum tiu ĉi periodo la projekto multe evoluis. Ĝi akiris pli ol 2300 membrojn, kiuj aldonis multe da enhavo en Esperanto.

5 jaroj de seninterrompa funkciado estas bona tempo por pensi pri la plua evoluigo de projekto. Por tio mi lanĉas specialan diskuton, kie ĉiu povas esprimi siajn proponojn kaj ideojn. Kion plibonigi? Kio mankas al Esperanto.com? Kiel fari ĝin pli utila por esperantistoj?

Jen estas la ligilo al la diskuto:

http://esperanto.com/enhavo/kiel-evoluigi-esperantocom

 

 

bildo de Dima Ŝevĉenko
bildo de Dima Ŝevĉenko

La unua vortaro de Esperanto

Полный словарь Эсперантскаго (международного) языка.

En 2007 Eldonejo Impeto aperigis la faksimilan represon de la eldono 1889. Tio estas "Plena vortaro rusa-internacia (Esperanto)", kiun aŭtoras L. L. Zamenhof. Legu recenzon pri ĝi de kontata esperantisto Boris Kolker en la februara numero de revuo Esperanto.
Pliaj detaloj pri la libro:
http://impeto.trovu.com/lerniloj/vortaro_zamenhof

bildo de Dima Ŝevĉenko

Nova libreto de Anna en Esperanto kun ŝiaj pupetoj

Miraklo de unu momento

Tio estas malgranda poŝforma libreto por tiuj, kiuj ŝatas fabelojn.
Miraklo de unu momento. Serio "Fabelaj sekretoj". Impeto, 2014. – 48 paĝoj, ilustrita. ISBN 978-5-7161-0258-3
Originale verkita en Esperanto
22 "momentoj", ilustritaj per fotoj de pupoj, kiujn kreis la aŭtorino.

Multaj el vi jam vidis fotojn de la mirindaj pupoj, kiujn kreas Anna Striganova. Kelkaj eĉ povis vidi ilin dum diversaj Esperanto-renkontiĝoj dum ŝiaj ekspozicioj. Ilin ne eblas aĉeti, ĉar Anna neniam vendas ilin. Tamen vi havas bonan eblecon subteni arton de Anna per aĉeto de vere malmultekosta libreto.

Mendi la libron eblas ĉi tie:
http://impeto.trovu.com/unu_momento

Esperantistaj retejoj estis atakitaj!

Du diversaj esperantistaj retejoj estis atakitaj!

 

La 13-an de januaro Esperanto.com suferis neatenditan spam-atakon. Kial ĝi estis neatendita? Nia Komunumo havas sufiĉe bonajn rimedojn por filtri spamaĵojn, aŭtomatajn registriĝojn ktp. Sed ĉi foje la sistemo misfunkciis, ĉar la spamisto uzis... Esperanton! Se atente legi la tekston evedentiĝas, ke la spamisto uzis maŝintradukilon por produkti la tekston (povas esti, ke tio estis Google Translate).

Ni forigis la uzanton sufiĉe rapide, sed li sukcesis disvastigi la mesaĝon, kiu estis menciita en la blogo de Pablo al ĉ. 150 uzantoj de Nia Komunumo. Post tio la uzanto kun la similaj datenoj provis registriĝi denove. Nuntempe ni pristriktigis la regulojn por iĝi la registrita uzanto ĉe Esperanto.com ĝis kiam ni sukcesos programi la novan kontraŭspaman sistemon.

 

Samtempe okazis akra atako de la "interret-krimuloj" al la elŝutejo de la VINILKOSMO. La retejo ĝis nun malfunkcias. Jen kion skribas pri tio mem Flo:

 

"Vinilkosmo-mp3.com atakita de pirata kaptisto

GRAVA informo
Nia elŝutejo www.vinilkosmo-mp3.com estis atakita de pirata kaptisto (phishing) kaj la aliro al la elŝutejo estis provizore blokita de nia servilo. Tio daŭros ĝis dum ni trovos solvon por tion ripari..

Dume daŭre eblas akiri tute sekure fizikajn albumojn (KD) en nia enreta diskoservo www.vinilkosmo.com
kaj elŝuti laŭ FLAC kaj mp3 formatoj elekton de albumoj en nia spaco ĉe cd1d
cd1d.com/fr/structure/vinilkosmo-esperanto-muzik-prod

bildo de Dima Ŝevĉenko

Ankoraŭ novaĵoj el mia universitato: Esperanto dum la sciencaj konferencoj

18-an kaj la 19-an de septembro mi, kiel instrusisto de la katedro de la amaskomunikiloj de la Rusia universitato de amikeco inter popoloj (ruse - РУДН) elpaŝis kadre de du tutrusiaj sciencaj konferencoj. Ĉe la unua, kiu havis temon “Sistemoj, metodoj, tekniko kaj teknologioj por prilabori median enhavon”, mia elpaŝo havis titolon “Sperto de kreo kaj subteno de la informa interret-centro de la 96-a Universala kongreso de Esperanto”. Kadre de la dua konferenco, kiu nomiĝis “Amaskomunikiloj en la multpolusa mondo: problemoj kaj perspektivoj” temo de mia elpaŝo estis “Lingvo Esperanto kiel rimedo de la sukcesa amasa komunikado en la multpolusa mondo”. Kurtaj 5-paĝaj tezoj de la konferenco aperis en la ruslingvaj paperaj eldonoj kaj en la diversaj retejoj. Unun el la ruslingvaj publikaĵoj (kiu temas pri la GK ĉirkaŭ UK) vi povas trovi en la retejo de mia katedro:

http://kafedramk.ru/content/opyt-sozdaniya-i-podderzhki-informatsionnogo...

bildo de Dima Ŝevĉenko
bildo de Dima Ŝevĉenko

Ĉe eldonejo Impeto aperis 3-a eldono de la populara lernolibro de Esperanto

Moskva eldonejo “Impeto” aperigis jam la 3-an eldonon de la populara lernolibro por ruslingvanoj, verkitan de konata esperantisto Boris Kolker. Same kiel du antaŭaj eldonoj, la eldonkvanto estas sufiĉe granda laŭ la taksoj de Esperanta eldonado – 1000 ekz. Jen estas la donitaĵoj de la lernolibro, prenitaj el la retejo de la eldonejo “Impeto” (http://impeto.trovu.com/kolker3):

“Boris Kolker. Internacia lingvo Esperanto: plena lernolibro. 3-a korektita eldono. — Moskvo: Impeto, 2012. — 264 paĝoj.ISBN 978-5-7161-0172-2
Pentristo Vjaĉeslav Te.
Respondeca redaktoro Elena Ŝevĉenko.

La ruslingvaj lernantoj de Esperanto povas akiri tiun ĉi lernolibron, uzante la plej popularajn librovendejojn de Moskvo (ekz. “Biblio Globus”, “Moskva”. Detala infomo - http://impeto.trovu.com/novajhoj/libroj_en_moskvo), Peterburgo (ekz. “Sankt-Peterburga Domo de Libro”. Detala informo - http://impeto.trovu.com/novajhoj/dom_knigi_peterburgo) kaj aliaj grandaj urboj. Ankaŭ ĝin eblas mendi en la pluraj interretaj butikoj, inkluzive la plej grandajn en Rusio (ekz. Ozon – http://www.ozon.ru/context/detail/id/4612093/) kaj rekte ĉe la eldonejo en ĝia retbutiko - http://lernolibro.ru/slovari/kolker.

Eldonejo Impeto estas oficiale registrita organizo kaj dank' al tio ĝiajn eldonaĵojn (ne nur lernolibrojn kaj vortarojn, sed ankaŭ la librojn en Esperanto) ĉiam eblas trovi en pluraj neesperantistaj librovendejoj, retbutikoj kaj la plej grandaj ŝtataj bibliotekoj, kio montras al la neesperantista publiko, ke E-kulturo ekzistas kaj lingvo Esperanto vivas.
Pliajn informojn pri eldonejo Impeto vi povas trovi sur ĝia retpaĝo http://impeto.trovu.com/pri

bildo de Dima Ŝevĉenko

Jam tre baldaŭ vi povos ĝui evoluigitan version de nia komunumo Esperanto.com!

Dum la lastaj semajnoj ni aktive okupiĝas pri la preparado de nova versio de nia komunumo Esperanto.com. Jam post kelkaj tagoj ĉiuj esperantistoj povos uzi multajn novajn eblecojn, pli oportunan kaj allogan aspekton kaj strukturon, multe pli bonan aranĝon de la funkcioj, kiuj jam ekzistas. Estos solvitaj pluraj eraroj, aperos centoj da plibonigoj ka.

Nia teamo estas malfermita por viaj konsiloj kaj sugestoj. Kiujn eblecojn vi volus vidi ĉe Esperanto.com?

Ni kreŭ nian komunumon kune!

Ne forgesu aboni la dissendoliston kun novavaĵoj pri evoluo de Esperanto.com:

http://groups.google.com/group/esperantocom-informejo

bildo de Dima Ŝevĉenko

Problemoj kun la servilo estis solvitaj

Feliĉe la kelktagaj problemoj, rilataj al funkciado de nia komunumo Esperanto.com estis solvitaj. Pli ol unu tagon la retejo ne estis alirebla kaj dum la du sekvaj aperadis diversaj teknikaj problemoj dum la uzado de servoj.

Nun Esperanto.com translokiĝis al la alia servilo kaj ĉio feliĉe solviĝis. Se vi rimarkos iujn erarojn, nepre menciu ilin komentante tiun ĉi blogaĵon.

Krome ni ĝojas anonci, ke tre baldaŭ okazos vica teknika kaj aspekta plibonigo de Esperanto.com. Se vi havas iujn proprajn ideojn kion eblas plibonigi, kiujn servojn eblas aldoni, kio estas nepre bezonata por la virtuala esperantujo ktp., nepre komentu pri tio ĉi tie.

Abonrilata enhavo


povigita de