Ensaluto

Blogo de enwilson

xkcd: Lesivejo

xkcd: Lesivejo
Dum la dua semestro, la vojo estas mallongtempe direktita trans la telerlavilo.
Mia traduko de la retbildstrio de Randall MUNROE (el la angla).

bildo de enwilson

La Interreto instruis al mi novan aferon hodiaŭ...jes, denove

Kion la Interreto instruis al mi hodiaŭ: Se viro ploras ĉar li vidas plenan duoblan ĉielarkon, kaj oni enretigas la videoon per Youtube, multaj personoj demandos, kiajn drogojn vi elĉerpis. Tiam, se la viro demandas (al neniu sed via eĥo) "Kion ĝi signifas?", oni kontrolos lian dorsosakon por "magiaj fungoj."

Tamen, estas belega ĉielarko.

(fonto)

bildo de enwilson

Guglo nombras librojn...ĈIOM DA LIBROJ

(el mia blogo ĉe Ipernity)

Je la 5-a de aŭgusto, la libroprojekto de Google.com (Guglo) anoncis kiom da libroj (individuaj eldonoj) nune ekzistas en la mondo. La vojo al tiu anonco estas tre kompleksa.

Unue, ili trovis, ke multaj sistemoj katalogi librojn ne estas fidindaj. Ekzemple, ISBN, nuntempe la plej ofte uzita sistemo en librovendejoj, ne ekzistas antaŭ la 1960-oj, kaj ne nombras nek nekomercialajn librojn nek multajn librojn presitajn ekster la okcidenta mondo. Oni ofte trovas, ke pli ol 1,500 libroj havas la saman ISBN-an numeron. ISBN ankaŭ nombras kiel "libroj" KD-ojn, T-ĉemizojn, kaj eĉ kelkajn legosignojn. La aliaj bibliotekaj klasifikaj sistemoj (inkluzive de la Bibleoteko de Kongreso kaj OCLC) havas similajn problemojn.

Tial, Guglo mem faris novan klasifikan sistemon, kiu malmultigas la redundajn rikordojn en la krudaj datumoj el la aliaj librosistemoj, kaj ĉ. 1 miliardo da registroj igis 210 milionon. Tiam, ili forigis la erojn, kiuj ne estas libroj: "mikrofilmoj (8 miliono), sonregistroj (4.5 miliono), videooj (2 miliono), mapoj (ankaŭ 2 miliono), t-ĉemizoj kun ISBN-aj numeroj (ĉ unu mil), kaj sondiloj por meleagroj (unu, aldonita al biblioteka katalogo kiel ŝerco por Ŝercotago)."

Finfine, jen la Ora Numero: 129,864,880. La tuta kvanto da presitaj libro-eldonoj, kiuj nuntempe ekzistas en la mondo. "Almenaŭ ĝis dimanco," Guglo diris.

Fontoj (ambaŭ angle):

bildo de enwilson

xkcd: Timiga

Jen mia traduko de "xkcd", retbildstrio verkita de Randall MUNROE.

xkcd: Timiga

"Mi instruas ĉiujn miajn 8-jarajn parencojn diri tiun ĉi, kaj ĉiuj 14-jaruloj fari la saman aferon pri 'Toy Story'. Ankaŭ, Pokemon unue okazis en Usono antaŭ pli ol unu jardeko, kaj la infanoj kiuj naskiĝis post la Aladdin Disney-filmo havos 18 jarojn en la jaro 2010." (el la originala alt-teksto)

bildo de enwilson

Ĉu la angla kaŭzos la malaperon de la indonezia lingvo?

En la New York Times je la 25-a de julio aperis tre ĝenanta rakonto pri indoneziaj junuloj.

La kurta versio: la altmezklasaj kaj riĉaj popoloj de Indonezio, kiuj ofte iris al kolegio aŭ universitato en Usono aŭ Aŭstralio, parolas al siaj gefilioj sole en la angla, kaj povas instrui ilin en privataj lernejoj, kiuj instruas plejparte angle. Ĉi tiuj lernejoj eĉ demandas de gepatroj paroli nur angle hejme, eĉ se ili ne parolas la lingvon tre bona.

La rezulto ofte estas tio, kio psikologiisto Anna Surti ARIANI nomis "negativan fieron" en la malboneco de la indonezia parolado de la infanoj, kaj rezulte, membroj de la nova generacio ne parolas sian indiĝenan lingvon. Patrino de tri infanoj rakontis la Times-raportiston "Ili scias, ke ili estas indonezianoj. Ili amas Indonezion. Ili simple ne povas paroli la indonezian lingvon. Estas tragike."

La artikolo diras ke la unueco de la lando devenis de la indonezia lingvo, la fonto de naciismo especiale sub la reĝimo de Suharto, kiam la lernejoj ne oficiale instruis la anglan ofte.  Ĉu la disvastiĝo de la angla lingvo endanĝerigas la indonezian?

Fonto (angle):

bildo de enwilson

La klingonanoj iras subtere (en Aŭstralio turismo)

La Jenolan-aj Kavernoj Nacia Parko en Aŭstralio ricevas vizitantojn po inter 150,000 de 200,000 jare. La parko havas memgvidatajn vojaĝojn en ok lingvoj per aŭdiogvidiloj...kaj je la 22a de aŭgusto, unu el la kavernoj--Nettle Kaverno--inkluzivos la klingonan lingvon.

"Ni pensas, ke estus bonega afero aldoni alian lingvon, eble io fikcia," diras parka oficisto David Hay. "Ni kunsidis la nanan aŭ la elfan, sed tiam decidis aldoni la duan plej parolitan fikcian lingvon en la mondo post Esperanto, kiu estas la klingona."

Eble ni devas ĝoji (mi supozas) ke Sro. Hay ne montris ĉagrene ordinaran eraron kaj diris ke la klingona estas pli populara (malgraŭ la nombro da fluaj parolantoj), sed "fikcia lingvo"? Estas sufice por okazigi iun ĵeti libron.

Tamen, jen mia plej ŝatata komento el la CNN.com-legantoj: "Ĉu Klingonoj estas kontraŭleĝaj eksterlandanoj? Ne permesu ilin viziti Arizonon!"

Fontoj (en la angla):

bildo de enwilson
Abonrilata enhavo


povigita de