Blogo de fizikisto

Ĉu vi jam konas Scratch-on? Ĝi estas senkosta programilo kaj programlingvo por junuloj, verkita de fama MIT en Usono. Ekzistas jam pli ol 700000 projektoj verkitaj per Scratch! Oni povas fari programojn per simplaj musaj klakoj kaj per kunmeti la programerojn. Scratch ekzistas jam por multaj lingvoj, sed ĝis nun Esperanto mankas. Pro tio mi komencis la tradukadon en Esperanto.

Ĝis nun mi esperantigis pli ol 70 procentoj de la Scratch-surfaco. Sed mi bezonas vian helpon. Vi povas korekti la tradukadojn kaj aldoni novajn tradukaĵojn. Mankas precipe tradukadoj de muzikiloj - mi ne estas spertulo pri tio.

Por partopreni vi devas nur vin registri ĉe la tradukpaĝo de Scratch.

Jen la ligiloj:

Por vorta partigado unue vi elektu vorton kun almenaŭ 8 literoj. Nun ĉiuj ludantoj kreu novajn vortojn el tiuj literoj. Post kvin minutoj oni nombras la trovitajn vortojn - gajnas kiu trovis plej multajn vortojn.

Ĉiun radikon oni rajtas uzi nur unufoje. Do, post skribi VIRO la vortoj VIRINO, VIRA, ... ne estas permesitaj.

Ekzemplo: Elektita vorto SALUTON

Trovitaj vortoj:
AL, SALO, ULO, SALTO, NUL, LUNO, LANO, ANO, OL, LA, TASO, NASO, SANO, LASU, ...

Ankaŭ eblas ludi kune anstataŭ unu kontraŭ la alia. Por tio oni povas skribi la trovitajn vortojn sur tabulon, por ke ĉiuj ludantoj povas facile legi ilin.

Por tabuo vi bezonas multajn ludkartojn. Sur ĉiu karto vi skribu vorton divenendan, kaj kvin pliajn vortojn, kiuj rilatas al unua vorto.

Du teamoj kontraŭas. Unua ludanto de teamo A prenas karton kaj priskribu la divenendan vorton, sed la vorton kaj la pliajn vortojn li ne menciu. Teamo B kontrolas ke li ne uzu tian vorton. Teamo A provas diveni la serĉitan vorton. Dum unu minuto la unua ludanto rajtas priskribi kiel eble plej multe da vortoj. La teamo A ricevas poenton por ĉiu trovita vorto.

Post unu minuto unua ludanto de teamo B daŭrigas ktp.

Ekzemploj por ludkartoj:

orelo (aŭdi, aŭskulti, kapo, flanko, vizaĝo)
rozo (ruĝa, odoro, floro, ĝardeno, bela)
pomo (manĝi, runda, arbo, frukto, kreski)

Kiam komencantoj kunludas, ili rajtas uzi la pliajn vortojn.