Mi pensas ke ĝenerale ĉiu enklasigo estas arbitra. Mi priskribos tri aŭskultmanierojn, sed fakte ili povus esti kvar, kvin, eble du. La plej grava afero rilate al iu ajn listo, klasifikado aŭ kieldirite enklasigo, estas ke ĝi rimarkigas nin pri kelkaj detaloj, enkaptante nian atenton. Do, per enklasigoj ni gajnas novajn vidpunktojn, sed samtempe ni perdas, almenaŭ momente, aliajn. Baze al tio, ne kredu min sed eksperimentu vi mem.
Imagema aŭskultado aŭ la orelo el revemuloj. Kelkfoje, aŭskultate ekzemple muzikon belan laŭ vi, vi revas pri diversaj memoraĵoj. Tiu kanzono kiu memorigas vin pri ŝi aŭ li, faciligas la fluadon de viaj sentoj kaj mensaj imagoj. Tia aŭskultado estas tre efika por la filmarto. Ne estus tiel intense la batalado ĉe la kinejo, se momente malaperus la akra militmuziko kiu ekscitigas vin. Dum la imagema aŭskultado vi uzas la sonon por subteni vian imagpovon. Oni povus aldoni multajn ekzemplojn de tia aŭskulto-atento, ĉar estas verŝajne nia plej ofta uzo de la aŭskulto-kapablo. Ekde la vidpunkto de la atento, ĝi estas certe la plej disa maniero por uzi niajn orelojn. Aliparte ĝi estas ankaŭ la plej kutima, kaj laŭ mi, multe da homoj preskaŭ neniam spertas alian aŭskultmondon.
