Ensaluto

Amnestio Internacia

Alice Nkom

Antaŭ kelkaj tagoj (je la 18a marto 2014) Alice Nkom el Kameruno estis premiita per la premio por homaj rajtoj de Amnestio Internacia en Germanio. Alice Nkom estas advokato kiu batalas por la rajtoj de samseksemuloj en Kameruno.

 

Hodiaŭ mi havis la bonŝancon kaj la plezuron spekti la dokumentan filmon "Born this way" (Naskite tia) kiu  pritraktas la temon de samseksemuloj en Kameruno. Kaj poste estis diskutrondo kun Alice Nkom.

 

Mi hodiaŭ eksciis multaj interesajn kaj ankaŭ ŝokajn aferojn sed ĉi tie mi volas laŭsence ripeti ion kion Alice Nkom diris kaj kio tre impresis min kaj pri kio mi opinias ke ĝi devus pensigi:

 

Ŝi diris ke ŝi laboras jam pli ol 40 jarojn kiel advokato. Dum tiu tempo ŝi defendis ŝtelistojn, murdistojn kaj aliajn verajn krimulojn. Ŝi ankaŭ estis aktiva en politikaj kazoj. Sed neniam ŝi estis tiel minacita (pri murdo kaj perforto) kiel dum ŝi defendas samseksemulojn - en kazoj en kiuj neniu suferigis iun, en kazoj en kiu viktimoj ne ekzistas. Simple pro malamo kaj maltoleremo de needukitaj kaj misedukitaj homoj. Malgraŭ tiuj minacoj ŝi klare diris ke ŝi ne ĉesos batali por la bazaj homaj rajtoj de samseksemuloj en Kameruno.

 

(informo: en Kameruno oni punas publikan kison de samseksemuloj per maksimume 5 jaroj da malliberigo. Laŭ Alice Nkom la leĝo kiu regulas tion estas kontraŭ la konstitucio de Kameruno. Sed kio pli gravas estas la manka protekto de samseksemuloj kontraŭ minacoj kaj diskriminacio kaj ankaŭ malhelpo de protekto kontraŭ aidoso)

bildo de Sunjo

La mondo malsanas: nemoralaj bildoj kaj judaj kolonioj estas pli interesaj ol nemoralaj grenadoj

Jen ia analizo de la lastatempa raportado pri la konflikto en Mezoriento:

Tiuj kiuj daŭre sekvas la raportadon pri okazaĵoj en la mondo tutcerte memoras la novaĵon pri la nemoralaj bildoj kiujn israela soldatino publikigis en Facebook, kio okazis proksimume antaŭ unu monato. Jes ja, aĉa konduto de soldato. Kritikinda kaj kritikenda okazaĵo kaj ankaŭ raportinda kaj raportenda.

Alia novaĵo, pli freŝa ol tiu pri la nemoralaj bildoj, estas ke dum la pasinta semajno el la Gaza-strio estis pafitaj grenadoj – kiuj enhavis fosforon.

Ĉu vi estas aŭdinta pri tio? Verŝajne ne. Nu, kial? Ĉar la amaskomunikiloj ne raportas pri tiaĵoj.

Kiam israela soldatino publikigas nemoralajn bildojn la tuta mondo estas sciigita, sed kiam la malamikoj de Israelo pafas fosforajn grenadojn al civilulojn la mondo ne estas sciigita.

Kial?

Ĉar la monda amaskomunikilaro aĉas. Ĉar la mondaj estroj kaj politikistoj agadas laŭ duecaj normoj.

Koncerne la grenadojn troviĝas multaj problemoj: ili estas ĉiuj malobservoj de la homaj rajtoj. Krome ili okazas dum la novaj pacaj intertraktoj inter Israelo kaj la palestinanoj. Krome uzado de fosforaj armiloj kontraŭ civiluloj estas kontraŭleĝe laŭ internacia juro.

Ĉu tiuj estis ĉiuj problemoj? Ne. Troviĝas aliaj problemoj: la homrajtaj organizaĵoj silentas. Okazis neniaj ajn reagoj de Amnestio Internacia aŭ Human Rights Watch. Mi almenaŭ nenion rimarkis el miaj esploroj. Krome mi volas diri ke tiuj ĉi homrajtaj organizaĵoj estas konataj pro tio ke ili rapide emas kritiki Israelon, sed kiam Israelo estas atakata tiuj ĉi organizaĵoj ŝajnas dormi.

Tio estas laŭ mi la plej granda malhelpaĵo al paciĝo en la Mezoriento: pri kelkaj okazaĵoj oni ne raportas. La mondo ne vidas (aŭ ne volas vidi) kelkajn okazaĵojn. Oni silentas.

bildo de Tom Nylund
Abonrilata enhavo


povigita de