Ensaluto

hajko

Aŭtuno

Jen provo traduki hajkon el la japana:

 

張抜きの猫も知るなり今朝の秋

 

Eĉ paperkato

hodiaŭ scias tion:

aŭtunkomenco

 

(Matsuo Bashô 松尾 芭蕉 1644-1694)

bildo de Tjeri

Hajko-serio, por iu...

Antau kelkaj jaroj, mi lernis, ke mi havis fraton aŭ fratinon, kiu mortis antaŭ ol sia naskiĝo, kaj mi ne eĉ sciis pri ties ekzisto, ĝis jaroj poste... la memoro restas kun mi, kaj nun vortiĝas en tiu ĉi poeziaĵo.

 

Mi ne konis vin,

Sed ankoraŭ vivas vi

Ie eterne.

 

Kiel fajrero,

Neniam estingota,

Ĉiam vi brilos.

 

Iam ankaŭ mi

Forflugos samdirekten,

Kaj fine, al vi.

 

Mi estos kun vi;

Finfine mi vin konos,

Ho kara mia!

 

 

bildo de Christa627

Hajkoj birdaj

Kriis hieraŭ

Revenintaj apusoj.

Varmeco baldaŭ!

(majo 2010)

 

Malgraŭ blueco

La saguloj foriris,

Maljen ĝojkrioj...

(aŭgusto 2011)

 

Briza sereno

Susuras sonĝon siblan:

Pepas paruoj

(2011)

 

Ombro sur suno...

Super stoplejo flava

Cirkuo soras.

(somero 2012)

bildo de Tjeri

Hajkoj, malhajkoj kaj/aŭ hajkecaj poemetoj

Okej, mi decidis malobei parton de la unua devo de la Esperantisto (se iu ne konas la dek devojn de la Esperantisto jen ligilo al foto: https://www.flickr.com/photos/11397422@N08/14521870270/lightbox/ ) - temas pri „lasu la versfaradon al poetoj“

 

Do, en la literatura kurso dum la SES ni lernis iom pri hajkoj (http://eo.wikipedia.org/wiki/Hajko ) kaj malhajkoj. La lasta kaj plej grava regulo: vi rajtas fajfi pri la reguloj.

El tio rezultiĝis mia unua hajko en Esperanto (certe mi iam jam verketis germanan hajkon dum mia lerneja tempo):

 

Bruas la nokto

sendormiga varmec'.

Ĉu estas sonĝo?

 

Poste vekiĝis mia vortludemo, do jen kelkaj pliaj (kelkaj tute sen intencita senco, kelkaj kun. Divenu mem kiuj estas kiuj):

 

Vivo kaŝiĝas

sub la blanka kovril'.

Ĉu senutil'?

 

grizas la tagoj

ili ĉiam similas

vivo atendas

 

arĝentaj faloj

de ĉerizflorpetaloj

la luno dronas

 

la minutŝtelistino

anoncis ludon

mi volas partopreni

bildo de Sunjo

hajkego

Jen mondo nia:

noktiĝo kaj reroso

vaste sendia

bildo de Andreo.Peetermans
Abonrilata enhavo


povigita de