Ensaluto

opinioj

La dioj

(…) Unue estas Ŝtiĉjo, dio de stulto, kun ruĝa simia postaĵo, kruda intelektula kapo, freneza amo de abstraktaĵoj. En 1940 li estis la dorlotito de germanoj. Nun li pli kaj pli ŝirmiĝas en pura scienco, kaj oni povas vidi lin ofte klinita super la ŝultroj de niaj scienculoj. Ĉe ĉiu nuklea eksplodo lia ombro stariĝas iom pli alte sur la Tero. Lia plej ŝatata artifiko konsistas en doni al stulto genian formon, kaj varbi de ni niajn grandajn homojn por certigi nian propran detruon.

Estas Merzavko, dio de absolutaj veroj, ia kozako staranta sur amasoj da kadavroj, kun skurĝo en mano, felta ĉapo sur la okulo kaj flagranta ridaĉo. Ĉi tiu estas nia plej malnova estro kaj mastro. Li decidas nian destinon de tiom longa tempo, ke li iĝis riĉa kaj honorinda. Ĉiufoje kiam li mortigas, torturas kaj subpremas je la nomo de absolutaj veroj, religiaj, politikaj aŭ moralaj, la duono de la homaro tenere flataĉas lin. Tio multe amuzas lin, ĉar li ja scias, ke absolutaj veroj ne ekzistas, ke ili estas nur rimedo por sklavigi nin, kaj ĉe ĉi tiu momento mem, en la pura aero de Big Sur, super la bleko de fokoj, super la krioj de kormoranoj, la resono de lia triumfa rido ruliĝas ĝis mi, kaj eĉ la voĉo de mia frato Oceano ne sukcesas superi ĝin.

bildo de Tjeri

Tvitero brulas kaj similaj stultaj novaĵaj titoloj

Multaj novaĵoj havas titolon, kiu komenciĝas per io simila al “Tvitero brulas”. Post legi la novaĵon oftege oni malkovras ke la “brulanta” polemiko temas pri malpli ol dudek pepaĵoj de tute seninfluaj personoj. Fojfoje ekzistas vere granda polemiko kaj tiam la ĵurnalisto decidas legigi la novaĵon per titolo “Interreto opinias ke…”. La fakto estas ke se “interreto”, tio estas la interretaj opiniemuloj, opinius tute same, ne estus ia polemiko. Estas insulta kaj nekomprenebla tiu sinteno de la ĵurnaloj, por grandigi sengravajn kaj seninfluajn opiniojn, kaj tutmondigi opiniojn laŭ la humoro de la ĵurnalisto aŭ la politikaj ventoj. Estas io tre, tre malofta en interreto ne trovi tre diversajn opiniojn laŭ simileco kaj indeco, tial preskaŭ neniam oni rajtos diri ke “‘interreto’ opinias ke…”.

bildo de Novatago

Laŭopiniaj difinoj

Asocio estas asocio se ĝi temas pri io, kion oni opinias normala aŭ kio estas ŝatata. Se asocio ne temas pri io ŝatata aŭ opiniata kiel normala, estas (timinda) sektofrown

bildo de Novatago
Abonrilata enhavo


povigita de