Ensaluto

BALTMARECO - serĉante Baltmaran Eŭropon (17)





Utiligebla vortareto

 

balto - “ano de eŭropa superetno, kiu en la 1a jarmilo p.K. priloĝis la teritorion de la sudorienta bordo de la Balta Maro ĝis la norda Dnepro kaj la baseno de Okao, kaj kies modernaj reprezentantoj estas latvoj kaj litovoj” (ReVo)
balta
– rilata al balto (la Balta Maro, baltaj ŝtatoj, baltaj lingvoj)
Baltujo = baltaj ŝtatoj (Litovio, Latvio, Estonio)
Baltio - kiel supre
Balta Maro – marnomo deveninta de balto
baltmara – rilata al Balta Maro (Baltmara Eŭropo – nomo de ŝtataro kaj regionaro situantaj en baseno de Balta Maro)
baltmareco – porbaltmara ideo de ligeco kaj responso
ĉebaltmara – situanta ĉe la bordo de la Balta Maro (ĉebaltmara regiono, ĉebaltmaraj ŝtatoj)

apudbaltmara – kiel supre



Arkaikaĵoj

Baltiko -> Balta Maro
baltika -> baltmara


Eraraĵoj (ŝajnas al mi)

“ĉebalta” (egz. Ĉebalta Esperantista Printempo - nomo de aranĝo en la pola urbo Mielno, Ĉebalta Studenta Esperanto-Tendaro – pli frua nomo de la aranĝo de baltiaj esperantistoj, nun nomata Baltiaj Esperanto-Tagoj)
“baltika -> balta” (en ReVo, Bona Lingvo)
“baltia – rilata al la Balta Maro” (en ReVo)

 

bildo de Jargan

Komentoj

bildo de Wel-brazilulo

Dankon Jargan pro tre klariga teksto, almenaŭ al mi el ĉi ekstremaĵo de la tero.

Fakte normale mi iom sentiĝis perdita volante situiĝi en [t.e. havi pli koncizan komprenon de] tiu areo de norda hemisferio.

Bonan semajnvivadon mi deziras al vi!

bildo de Jargan

Ni estas malproksime de si. Kaj ĉiu havas siajn centron kaj samtempe ekstremaĵon de la tero. Rigardu la mian en http://maps.grida.no/baltic/

bildo de Wel-brazilulo

Imprese, ja bela. Dankon!


povigita de