Ensaluto

El kiu lando vi estas?

Mi estas el Moskvo, kiu estas ĉefurbo de Rusio.

bildo de Dima Ŝevĉenko
bildo de Nifio

Mi ankaŭ loĝas en Bruselo, en Evero, sed mi transloĝiĝos al Stokelo.

bildo de Algoviano

Mi loĝas en malgranda vilaĝo en suda Germanio.

bildo de filodemanolo

Mi loĝas en Tupã, eta urbo de ŝtato San-Paŭlo, Brazilo.

-- La filo de Manolo

bildo de Janiko

Saluton al ĉiuj!
Mi loĝas en "Valenciennes", kiu troviĝas en norda Francio(apude Belgio).

Mi estas komencanto! do, se vi ekvidas erarojn en mia skribado, diru ĝin al mi! dankegon :-))

bildo de Goren

Mi loĝas en... interreto! Tio ĉi estas vero, ĉar mi malŝparas preskaŭ tutan mian liberan tempon retumante. Fizike, tamen, mi troviĝas en Aŭklando, kiu estas la plej granda urbo en Novzelando. Mi studas en Aŭklanda Universitato.

Verdire, mi devenas de St.Peterburgo, Rusio, kie mi loĝis unuajn 25 jarojn de mia vivo. Sed antaŭ iom da tempo mi devis forlasi la landon pro politika reprezalio. Do, nun mi estas en Novzelando.

bildo de Marie Chesnelle

Mi estas ie en Belgio...

~ ~ ~   verOpedio   ~ ~ ~

bildo de P.Fisxo

Mi loĝas en Rusio, urbo Korolov (apud Moskvo).
Ĝuste en mia urbo estis konstruita la unuaj sputniko kaj kosmoŝipo "Vostok".

bildo de Dorneles

Mi loĝas en Porto Alegre (Portalegro), en la ekstrema sudo de Brazilo.

César Dorneles

bildo de Igor

Mi loĝas en S-Peterburgo, Rusio.

bildo de bikerider48

Mi estas hungara knabo el Budapeŝto.

bildo de Anna Striganova

Mi estas el Rusio, el urbo Moskvo

bildo de Barabasz

Mi renkontis vin en Bjalistoko dum la Universala Kongreso (2009) Vi estis "katino" dum la kunsido de "Rondo Kato". Ĉu vere?

D.Burchardt

bildo de eiriarte

Mi loĝas en Montequinto (Monto Kvina), kvartalo de Dos Hermanas (Du Fratinoj), urbo tre proksima al Sevilla (Sevilo), ĉefurbo de Andalucía (Andaluzio), regiono suda de España (Hispanujo), lando de Eŭropo, kontinento de la Tero, planedo de la Suno, suno de Sevilo (kvankam iom pluvas ĉi tiujn tagojn).

Do mi loĝas precipe surTere ;-)

Pli pri Sevilo, kie mi naskiĝis: http://eo.wikipedia.org/wiki/Sevilo

bildo de Kito

Mi loĝas en Toronto, la plej granda urbo en Kanado.

bildo de crescence

Mi loĝas en Francujo, Savojo

bildo de Azulreal

Mi estas el regiono nomita Andaluzio, en suda Hispanio.

bildo de Haruo

Mi loĝas en lando, kies registaro malpermesas, ke la civitanoj partoprenu la nunajaran kongreson de la Danĝera Lingvo...

Leland Bryant Ross = ROS’ Haruo
Seatlo (Usono)

bildo de senlatine

Do, vi neestas el "Seatlo (Usono)"? Alie, mi alprenus Persion, ktp. Certe Usono ne malpermesus.

bildo de noktema

mi estas el Lasvegaso en la usona ŝtato Nevado, sed nuntempe mi loĝas en malgranda urbo, kiu nomiĝas Kooĉio en Japanio.

saluton al ĉiuj. :)

bildo de GrizaLeono

Mi loĝas en Flandrujo, la norda parto de Belgio. Flandroj parolas lingvon, kiu similas al la nederlanda. Lerneje la infanoj lernas "la ĝeneralan nederlandan". La flandraj dialektoj iom post iom malaperas... bedaŭrinde.

bildo de Eŭgeno Liĉaŭka

Mi estas el Belarusio, Minsko. Tro malmultas esperantistoj en mia lando, do mi esperas, ke almenaŭ ĉi-reteje ni povos komunikiĝi.

bildo de Vortarulo

Mi ankaŭ estas de Germanio, sed de Leipzig, kiu situas en Saksio, en la orienta parto de Germanio. Estas belega kaj vizitinda urbo!

bildo de Carl

Mi loĝas en la nord-oriento de Germanio. Regiono nomiĝas Meklenburgo-Antaŭpomerio. Ni havas multaj lagoj ĉi tie. Urbeto estas Malchin, sed ne estas granda urbo proksime.

bildo de lodĉjo

mi loĝas en Antverpeno, Belgio. (kaj estas en pasporta servo :)

bildo de Yakunin

Mi estas el Severomorsko kiu estas ĉefurbo de La Norda Milita Ŝiparo de Rusujo!

bildo de GiTa

Mi estas el Svedio. Nun mi loĝas en Lidköping, malgranda urbo sude de nia plej granda lago, Vänern.

GiTa

bildo de ElCondor

Saluton al ĉiŭj!

bildo de Libera Ponto

Mi loĝas en lando : Francio, regiono : Alzaco, urbeto : Masevau (mankas lasta litero : ikso) (prononco : mazvo), ĉ. 3500 enloĝantoj, en bela verda valo, ĉ. 30 km okcidente de Mulhouse.

Mi volas forviŝi mian blogon ĉe vi. Kiel fari ?

bildo de ĝofredo

Mi loĝas en la urbo Nov-Jorko en Usono.

bildo de lariko

Mi estas en nordokcidenta Usono, apud la Puĝeta Markolo.

bildo de halyihev

Mi estas en la Usona ŝtato Vermont, proksime al ĝia ĉefurbo Montpelier.

bildo de robbkvasnak

Mia familio loĝadis dum longa tempo en Middlebury kaj mia frato ankoraŭ loĝas en Burlington.

Salutojn el sunoza Florido! Venu viziti min - ni havas gastĉambron por du personoj!

bildo de Flama floro

Ĉu en la foto estas vi, kaj vi kun la tigro ??? oh ĉu vi timas ?

bildo de Paŭlo Silas

Mi estas el Brazilo. Mia urbo estas Marakanauo kaj mi studas en Fortalezo.

bildo de KuboF Hromoslav

Zvolen, centra Slovakio. Sed mi studas en Brno, Ĉeĥio.

Amike / muzike

bildo de Salla

Mi estas el Finnlando.

bildo de Thierry22

En Bretonio, en la okcidento de Francio

bildo de KaraGu

Mi estas el lando, kie la veturantoj al Ruslando iam portis ĉapelojn kun kornoj. Troviĝas homoj kiuj opinias, ke temas pri mito ĉar ili plej ofte faris negocojn, kiam ili ne ŝtele rabis homoj :-).

KaraGu

bildo de robbkvasnak

Fakte, la nomo de mia urbo estas Oakland Park sed ĝi estas nur urbeto ene de la pli granda urbo de Fort Laŭderdale. Ĉar la UK estos en Kubo ĉijare kaj mia registaro ne flegas kontaktojn kun la registaro de Kubo, mi kongresos kun mia vivkunulo brazila ĉe la Internacia Kongreso en Strasburgo de la 6a ĝis la 13a de aŭgusto (informoj troviĝas ĉe Esperantoland.org)

Salutojn el sunoza Florido! Venu viziti min - ni havas gastĉambron por du personoj!

bildo de Razeno

Mi loĝas en Katmando, estas la ĉefurbo de Nepalo.
Troviĝas tie ĉi "centoj" de esperantistoj, inter ili, 10-20 bone parolas la lingvon. Venis 38 homoj dum la nacia kongreso de Nepala Esperanto-Asocio kaj 34 dum la EKKo-Renkontiĝo. EKKo signifas Esperanto-Klubo de Katmando.
Razeno
http://razeno.blogspot.com

bildo de senlatine

"Razeno
http://razeno.blogspot.com

Vizitu min ĉe http://razeno.blogpsot.com"

Vidu: la lasta ligilo aperas kiel "blogPSOT" antataŭ "blogSPOT". Vi devas kontroli ĝin.

bildo de Macropisec

Mi estas el urbo Krasnodaro, ĝi situas en la sudo de Rusio

bildo de Kalle

Mi loĝas en Stokholmo, Svedio.

bildo de cellus

Mi do loĝas proksime al Kalle, principe nur ĉ. 40 minutojn per trajno. Do, mia urbo estas Upsalo (Uppsala), kaj ĝi situas en Svedio.

bildo de allanfineberg

Mi estas el Usono. Mia urbeto estas Fair Lawn, en Nov-Jerzio.

bildo de Akva

Mi estas el Hungario, Budapeŝto

VIZI László el Budapeŝto

bildo de aaronibus62

Mi estas el Usono.


povigita de