Esperanto.com: nia komunumo

Esperanto-bibliotekoj

bildo de rotsaert8000
Publikita 5 februaro, 2010 - 14:29de rotsaert8000

Mi estas kunlaboranto (volontulo) de la E-biblioteko en Kortrijk, Belgio. Jam delonge mi deziras krei iun forumon por esperantaj bibliotekoj tutmonde, cele al pli bona kunlaboro. Mi demandas min ĉu E-librujo estas taŭga forumo, aŭ ĉu preferindas krei apartan forumon.

‹ Listo de ligiloj al e-libroj Katalogo de Esperanta retenhavo ›
bildo de bruce_r_c
by bruce_r_c - 10 aŭg 2010 - 16:46

Saluton!

Ŝajnas, ke estas preskaŭ nenia respondado en tiu ĉi forumo sed mi ne scias kie estus pli vizitata diskutejo. Antaŭ proksimume 20 jaroj estis pli da aktivado en la biblioteka fako, ekz-e ekzistis tiam TEBA (Tutmonda Esperantista Biblioteka Asocio) kiu havis sian Bultenon. Ankaŭ aperis en 1989 Biblioteka terminaro fare de Doug Portmann kaj Koralo. Sed verŝajne vi jam scias ĉion ĉi.

Estas bone, ke vi volas krei forumon por esperantaj bibliotekoj tutmonde. (Mi estis bibliotekisto antaŭ deko da jaroj sed dum la lasta parto de mia kariero mi estis datum-baza administranto.)

Sukceson al vi! Se tia forumo formiĝos (aŭ se vi jam faris ĝin aliloke) mi volonte enrigardus de tempo al tempo. Certe ekzistas interesitoj pri la fako ĉar mi rimarkas ke listiĝas pluraj bibliotekemaj homoj inter la UEA-delegitoj en ĝia jarlibro kaj ankaŭ inter la uzantoj de esperanto.com.

Danke vin salutas,

Bruce

Bruce Crisp

bildo de bruce_r_c
by bruce_r_c - 10 aŭg 2010 - 17:05

PS Mi faris kelkajn fuŝojn en mia antaŭa mesaĝo. Pardonu! TEBA estis Tutmonda Esperanta Bibliotekista Asocio. La bulteno havis la titolon Biblioteka bulteno.

Bruce Crisp