Esperanto.com: unuaj paŝoj

Pasis nur kelkaj tagoj post la prezento de Esperanto.com al la vasta esperantista publiko. Sed al ĝi jam aliĝis pluraj centoj da esperantistoj.
Ni ĉiutage ricevadas dekojn da mesaĝoj kaj komentojn kun teknikaj demandoj, konsiloj kaj pri eraroj en la tradukoj. Ni respondos al ĉiuj el ili,
sed ni bezonas iom da tempo por tio. Dum Esperanto.com havas signon "beta" vi povas trovi iujn erarojn, tio estas neevitebla.
Kiam vi trovas ilin, iru al speciala grupo kaj anoncu pri ili:
http://esperanto.com/grupoj/teknikaj-demandoj

Komence ni klarigu unu momenton, por similaj demandoj plu ne aperu.
Esperanto.com ne celas anstataŭigi jam ekzistantajn komunumojn kun esperantlingva interfaco.
Esperantistoj neniukaze devas forlasi neesperantistajn sociajn retojn, ĉar tio montras, ke Esperanto estas uzata kaj vivas!
Esperanto.com kunigas esperantistojn el pluraj retoj, sed NE celas anstataŭigi ilin.
Tio estas du tute diversaj kaj valoraj branĉoj de la agado!

Ĉefaj celoj de Esperanto.com estas:

1. Kunigi en unu loko plurajn esperantistojn, kiuj jam apartenas aŭ ne al aliaj sociaj retoj
2. Helpi al esperantistoj komuniki kaj praktiki la lingvon en pure esperanta virtuala medio
3. Kunigi blogojn en Esperanto en unu loko (Necesas konsideri, ke esperantistoj, kiuj jam havas blogojn ĉe la aliaj servoj, prefere paralele publikigu
la samajn blogaĵojn ankaŭ en Esperanto.com por informi pli da esperantistoj, sed ne ĉesu publikigi ilin en la antaŭa loko. Esperantistoj, kiuj ankoraŭ ne havas blogon,
sed volas ĝin havi, havas bonan ŝancon por tio)
4. Kunigi informojn pri diversaj esperantistaj eventoj en unu loko kun komuna kalendaro. Ĉiu uzanto povu aliĝi al ili, havi freŝajn informojn,
diskuti aŭ fari demandojn ks.
5. Doni eblecon al organizoj, entreprenoj, kluboj, eldonejoj ks. havi proprajn grupojn, reklami, agadi kaj montri rezultojn de la agado al la
vasta rondo de esperantistoj
6. Pridiskuti, plani kaj krei specifajn por Esperanto-movado servojn

Kelkaj valoraj ligiloj por starti.

Grupo pri teknikaj demandoj:
http://esperanto.com/grupoj/teknikaj-demandoj

Oftaj demandoj (konstruata):
http://esperanto.com/oftaj_demandoj

Komuna forumo de Esperanto.com:
http://esperanto.com/forumoj/komuna-forumo-de-esperantocom/babilado

Krei grupon:
http://esperanto.com/node/add/grupa-nodo

Krei eventon:
http://esperanto.com/node/add/event

Krei blogaĵon:
http://esperanto.com/node/add/blog

Ĉiu grupo aŭ evento povas havi proprajn logotipojn, diskutojn kaj galeriojn ks. Vi povas aldoni blogaĵojn al propra blogo kaj al la grupoj, kie tio estas permesita
de ĝia administranto.

Ni dankas ĉiujn membrojn pro la atento al la projekto, ankaŭ pro tio, ke vi helpas nin solvi plurajn teknikajn demandojn kaj evoluigi la paĝaron.
Se vi volas iel helpi aŭ kunlabori kun la projekto, mesaĝu al mi.
Ni kreu komunumon kune!