Katalogo de Esperanta retenhavo

Saluton!

Mi volas rakonti pri unu el miaj ĉefaj agadoj en Esperanto.

Jam dum sufiĉa tempo mi kreas katalogon de ĉiu utila Esperanta ehnavo, trovebla en la reto. Ĝi situas laŭ adreso:
http://eo.wikibooks.org/wiki/Katalogo_de_Esperanta_retenhavo

En ĝia literatura sekcio vi trovos ligilojn al ĉiu Esperanta literaturo, kiun mi trovis. Mi opinias, ke tio estas granda kaj riĉa kolekto, kiu eksterdube utiliĝos al ĉiuj Esperantistoj.

Mi komencis krei ĉi tiun katalogon, ĉar montriĝis, ke neniu konas ekzakte, kio troveblas Esperante en la reto. Ja tie oni povas trovi vere interesajn aĵojn, sed por tio necesas serĉi longe kaj obstine. Plimulto da Esperantaj retuzantoj ne havas tempon fari tion. Do necesas krei katalogon, kiu estu gvidlibro tra la Esperanta reto. Dum pli ol jaro mi kolektis multege da informo, sed mi plu trovadas novajn interesaĵojn.

Do, mi esperas, ke dank' al ĉi tiu laboro retumantaj Esperantistoj povos scii, kion oni posedas. Se vi havas proponojn pri ĉi tiu projekto, bonvolu eldiri ilin - tio estos grava kaj interesa por mi.