Esperanto.com: nia komunumo

Kiajn esperantistajn aranĝojn vi planas partopreni en 2010?

bildo de Dima Ŝevĉenko
Publikita 6 februaro, 2010 - 15:31de Dima Ŝevĉenko

Kiajn esperantistajn aranĝojn vi planas partopreni en 2010?

‹ Esperantlingvaj vortoj "liva, kontempli, kurta" kaj tiel plu. Obama pripensas, ĉu Esperanto devus esti instruita en usonaj lernejoj ›
bildo de Yakunin
by Yakunin - 7 feb 2010 - 11:37

Mi ne scias. Komputilo por mi substituas ĉiujn aranĝojn. Mi mem nur unufoje vidis vivantajn esperantistojn per miaj propraj okuloj-en E-klubo de urbo Murmansk. Kvankam la klubo situiĝas je la 30 kilometra distanco de mi mi preskaŭ neniam havas eblecon partopreni kunvenojn de la klubo kiuj okaziĝas ĉiusabate...
Kaj por mi estas enigmo pro kia kialo neniu membro el tiu klubo ne uzas interreton por komunikado? Do, eble iu el ili uzas sed mi ĝis ĉimomento neniun renkontis en vastaĵoj de la interreto...

Mi havas deziron aĉeti domon-sed mi ne havas povon, mi havas povon aĉeti kaprinon-sed mi ne havas deziron. Do ni drinku por ke niaj deziroj kongruu niajn povojn!

bildo de beŝmek
by beŝmek - 9 feb 2010 - 14:56

Mi planas partopreni la Rusian Esperanto-Kongreson en Peterburgo kaj FESTOn en Tuluzo - sed ĉu la planoj kongruos kun la realeco, ni vidos.

bildo de Haruo
by Haruo - 10 feb 2010 - 08:07

Mi partoprenos la landan kongreson de E-USA (maje en Vaŝingtono) kaj la regionan NOREKon (Anacortes, en septembro) kaj mi intencas iri al la oficiale ne alirebla (ĉar mi estas usonano) UK en julio. Krome, mi partoprenas la ĉiumonatajn kunsidojn de la loka grupo SES, kaj en marto prezentos priesperantan prelegeton en Universitato de Vaŝingtonio (Seatlo). Do, aktivan jaron por mi.

Leland Bryant Ross = ROS’ Haruo
Seatlo (Usono)

bildo de sencay
by sencay - 17 feb 2010 - 16:41

Kiajn? Familiajn kaj biciklajn.
Kiujn? Jen:
Printempa Semajno Internacia (PSI) en Sankt Andreasberg, Germanujo, http://www.esperanto.de/psi
Renkontiĝo de Esperanto-Familioj en norda Kroatujo, retejo konstruata
Ekotur (ekologi-turisma renkontiĝo) en suda Ĉeĥujo, retejo ankoraŭ ne aperis
eble PostSomera KlaĉKunveno (PSKK) en Belgio
eble SFERO (Svisa Familia Esperanto-renkontiĝo)
eble aliaj

bildo de halyihev
by halyihev - 3 mar 2010 - 21:56

Mi ankaŭ partoprenos la landkongreson de ELNA en Vaŝingtono, Usono. Mi pripensos ankaŭ la Aŭtunan Renkontiĝon kiu okazos en Oktobro, ie en nord-orienta Usono.

bildo de Goren
by Goren - 4 mar 2010 - 06:42

Mi ne scias pri iuj ajn Esperantaj okazaĵoj ie apud Aŭklando aŭ en la areo kien mi povas iri kontraŭ la mono kaj libera tempo kiujn mi havas. Se tiaj ne aperos, do neniujn.

bildo de aktivulo
by aktivulo - 4 mar 2010 - 12:38

Festo Festo Festo !!! En Tuluzo ne indas maltrafi...
IJK / UK eble ne :(

http://festo.jefo.fr

bildo de Razeno
by Razeno - 6 mar 2010 - 11:19

Plej verŝajne, mi vojaĝos al Mongolio por partopreni en la Azia Kongreso de Esperanto. La programo okazos de 2010.06.19-23.

Mi multe esperas ke mi renkontos multajn geamikojn, precipe aziajn kaj diskutos por pli fortigi Esperanto-movadon en Azio.

Razen Manandhar
http://razeno.blogspot.com

Vizitu min ĉe http://razeno.blogpsot.com

bildo de Sara
by Sara - 6 mar 2010 - 20:35

Mi partoprenos la kunvenon IJS (Internacia Junulara Semajno), kio okazos en Hungario, ĉi-foje en la urbo Pécs [prononcu: "peĉ"], do en la suda parto de Hungario. Mi estas membro de Hungara Esperanto-Junularo, do mi partoprenas eĉ en la organizado de IJS, tiel mi ĉiukaze volas ĉeesti. Aliflanke, ĝi estas sufiĉe proksime, ne cetere eĉ la urbo nuntempe multe plibeliĝis - parte ĉar ĝi gajnis la titolon "Kultura Ĉefurbo de Eŭropo" ĉi-jare. Kaj IJS ŝajnas iĝi bonega junulara kunveno kun bunta, interesa programaro. :-)

Se Vi interesiĝas, klaku ĉi-tien: http://ijs.hu/. :-)

Ps.: Kaj mi ja volonte partoprenus ankaŭ IJK ekzemple, sed ĝi estas treege fore por mi. :-(

bildo de ĝenulo
by ĝenulo - 9 mar 2010 - 03:34

Neniuj.