Ensaluto

Kiom longe vi jam estas vegetarano kaj kial?

Mi mem de antaŭ plimalpli 10 jaroj, komence manĝante foje ankoraŭ fiŝon, sed malpli kaj malpli ofte. Nun mi strebas manĝi vegane de kelkaj semajnoj. Mi jam ne plu aĉetas laktoproduktojn por mi mem kaj ĉesos manĝi ovojn. Posta ŝtupo, la plej malfacila, estas eviti ĉiun ajn produkton en kiu estas bestaĵo (ovo, lakto, mielo, ... ) aŭ derivitaj produktoj.

Miaj motivoj: malpli da bestosuferado kaj pli bona sano kaj vivmaniero.

bildo de lodĉjo
bildo de neil_nachum

Antau' 38 jaroj mi interesiĝis pri Esperanto kaj vegetarismo samtempe.

Mi ankorau' manĝas fromaĝon tro multe, sed malofte trinkas lakton, jam kontenta kun soj-trinkaĵoj.

Nur eksterdome, kiel gasto, mi manĝas fiŝaĵon--malpli ol fojon po manato.

Mi neniam aĉetas fiŝaĵon, kokaĵon, ruĝan viandon ktp.

Kelkaj veganaj amikoj ne trovas konvenan manĝaĵon ĉe Esepranto-eventoj kaj aliloke.

Mond-vojaĝanta, muzik-amanto, ĝardenisto, UEA reprezentanto ĉe UNO.

bildo de Nikos

Mi estas vegano kaj rektrandano, kaj mi ne drinkas, ne fumas kaj ne uzas aliajn drogojn. Mi ege volas konatiĝi liberecanan Esperanto-parolantan knabinon, kiu estas vegano au almenaŭ vegetarano, kiu ne fumas kaj ne drinkas, por vojaĝi kune trans tuta la mondo, sed kiel mi povas fari tion?

bildo de Rangel de Castro Gotardi

Mi estas tute vegano antaŭ du jaroj. Akurate, antaŭ la 27-a de novembro 2008. Mi ne manĝas lakton, ovon kaj mielon. Mi estas komencanto, do mi ankoraŭ ne parolas bone. :)

bildo de robbkvasnak

Ekde kelkaj jaroj mi evitas bestan viandon ĉar mi volas manteni basan gradon de kolesterolo. Sed mi loĝas kun mia vivkunulo kiu ŝatas manĝi viandon. Nun ni praktikas moderecon. Li lernis gusti pli da pladoj sen viando, kvankam ni daŭre manĝas fiŝaĵon ĉar ĝi enhavas omega-3 grason kio estas saniga por homa korpo. Miaflanke mi koncedis manĝi iom da meleagro, anaso aŭ ansero 2 aŭ 3 foje jare dum festotaga festeno, ĉar mi konscias ke manĝi kune kun amikoj la samajn pladojn forĝas sanan, intiman rilaton inter la amikaro. Ni aĉetas tiun birdaĵon en aparta buĉejo kiu nur vendas viandon obtenita pere de "humana" buĉado. Ni aĉetas ovojn nur de liberkurantaj kokinoj kaj lakton el Vermonto kie la bovinoj vivas feliĉan, paŝtistan vivon (mi feriis tie por vidi tion).
Miaopinie la abeloj profitas de la fakto ke ni manĝas mielon. Se homoj ne manĝus ĝin, oni ne kultivus kaj ne flegus la abelojn kaj la abelejojn. Estas homa-abela simbiozo.

Salutojn el sunoza Florido! Venu viziti min - ni havas gastĉambron por du personoj!

bildo de fefcas

Mi ne memoras plu, tiom da tempo... Unue, por la bestoj, poste por mi mem, nune, ĉar mi ne eltenus manĝi viandon plu.
Mi pensas pri ne plu manĝi ovojn. Lakto mi ne aĉetas, sed fromaĝo, malfacile mi rezignos, sed pli kaj pli mi manĝas malpli.

Mi ŝatus trovi anstataŭanton por fromaĝo, sed ne facile estas kopii tiun guston. Tofuo estas nenio, laŭ gusto, simple.

bildo de Wel-brazilulo

Mi ĵus komencas. Hodiau estis mia unua provo: sojaĵo. La gusteto ankorau estas lingve.Tre ŝatis! Mi mem preparis ĝin.

Kial mi deziras veganisti: i. kelkaj kialoj ĉar fakte ĝi ŝajnas esti multe pli saneca. La intestoj, ĉefe, ŝajnas labori pli komforte, pli efike. Konsekvence de tio, oni ŝajnas ĝui la tagon pli feliĉe.

Krom tio ke oni kunlaboras favore al feliĉo de niaj samvivejanoj, la bestoj.

bildo de Kirilo

Hodiaŭ estas ĝuste unu jaro, ke mia edzino kaj mi ĉesis manĝi viandon (kio inkluzivas fiŝaĵon).

Fakte ni jam pli longe pensis pri tio, ĉar ni konsciis, ke eblas bone (eĉ pli bone) nutri sin ne mortigante aŭ suferigante bestojn, sed longe simple estis tro komforte resti ĉe la malnovaj kutimoj kaj ni ne sciis, ĉu ni sukcesos ŝanĝi nian manĝaĵaron sen sopiro je viando (kio, mi konfesas, ĉiam tre bongustis al ni).

Tamen, antaŭ unu jaro, ni ie aŭdis aŭ legis, ke dum la fiŝado de nur unu kilogramo da salikokoj oni samtempe kaptas (kaj sekve mortigas sen utiligado) dek kilogramojn da aliaj vivestaĵoj maraj. Tiam ni decidis, ke en la tempo de industria manĝaĵproduktado ni ne plu povas kongruigi la manĝadon de bestoj kun nia konscienco, do ni volis provi nutriĝi sen viando.
Kaj tio plene sukcesis, nia ĉiutaga menuo eĉ plivariiĝis, ĉar ni elprovis tute novajn receptojn, kaj ekde tiam eĉ ne unu fojon ni konscie manĝis viandaĵojn.

Tamen ni ne rezignos pri lakto kaj ovoj, ĉar tio tro mallarĝigus nian elekton. Ni simple aĉetos niajn bestajn produktojn nur el ekologia mastrumado, por ke neniu besto suferu pro ni.

bildo de lodĉjo

Interese! Dum vegetara manĝado, mi kutimis - ĉefe pro tempomanko - kuiri simplajn vegetarajn burgerojn aŭ stekojn el supermarkto anstataŭ viandon aŭ fiŝon. Mi sciis ke ne estas la plej bona maniero, sed mankis tempo.

Nun, manĝante vegane, mi (je mia plezuro) ja devas varii pli multe kaj manĝas aferojn, kiujn vinandemuloj neniam de sia vivo manĝas: malpli konatajn legomojn, nuksojn, aliajn proteinfontojn (seitano, tempeo, ...) kaj tiel plu.

Mi nur bedaŭras ke mi ne povas fari pli por haltigi tiun fi-industrion.

bildo de ivanov

Ne simpligu, ankaŭ homoj, kiujn vi iom malafable nomas „viandemuloj“, ja povas manĝi varie. Tiel faras mia familio, ekzemple. Viando tute ne estas la ĉefa plado sur nia tablo; mi eĉ dirus, ke ni preferas aliajn ingredientojn — ovojn, fiŝaĵon, legomojn, rizon ktp. Ja nuksoj estas nia ĉiama „intermanĝo“.

Esperu ĉiam! • http://amikeco.ru/pro/eo

bildo de Kirilo

Kaj pri la "fiindustrio": Nu jes, vi kaj mi mem povas decidi, ke ni ne kontribuu al la suferado de bestoj, sed vegetarana "misio" ĉe aliaj homoj estas tiom fruktodona kiel la provo konvinki aliajn pri la utileco de Esperanto, do mi simple lasas ĝin (nu, foje mi propagandas E-on).

Sed mi pensas, ke la homoj entute pli kaj pli konsciiĝas pri sana nutrado kaj la rajtoj de bestoj, jam en kutimaj bazaroj oni povas aĉeti multajn produktojn el ekologia mastrumado, kaj skandaloj pri firmaoj fitraktantaj bestojn al tiuj malhavigas sufiĉe da aĉetantoj.

bildo de lodĉjo

Hej, mi ne konas Grünkl - sonas interese. Mi ja konas "tempeh" kaj "seitan", supozeble similas?
Pri tempomanko, ŝajnas ke malgraŭe mi elturniĝas sufiĉe bone. Gravas havi la aferojn jam en la domo. Mi ne ŝatas sekvi receptojn, mi preferas koni kaj havi la diversajn aferojn kaj en la momento mem improvizi kun ĉiuj aferoj. Tamen, mi ja nepre elprovu kkjn receptojn por lerni pli da eblecoj kaj teknikoj.

bildo de Kirilo

Feliĉe mia edzino kaj mi havis sufiĉe da tempo, ĉar mi doktoriĝas kaj ŝi ĝis la lasta jaro laboris nur posttagmeze, tiel ke ni povis kuiradi kaj manĝadi kune je tagmezo. Tiel ni povis multon elprovi kaj ne fariĝis t.n. "pudingaj vegetaranoj", kiuj fakte nutriĝas pli malbone ol viandomanĝantoj.
Nun ja malpliiĝis tempo libere ŝovebla, sed ni havas sufiĉe da receptoj por daŭrigi sanan nutriĝon.

Ĉu vi iam elprovis nematuran rostitan (kaj ofte ŝrotitan) spelton (germ. "Grünkern", sudgermana specialaĵo por kiu mankas vorto en ĉiuj aliaj lingvoj, kiujn mi konas)? Oni povas ĝin uzi kiel viandhakaĵon (ekz. por buletoj, ĝi eĉ pli satigas.
Ni ankaŭ tre ŝatas nepopularajn legomojn kiel (ruĝan) beton aŭ folibeton (germ. "Mangold", ang. "Swiss chard").


povigita de