Kiujn lingvojn vi parolas?

Krom mian gepatran lingvon, la germanan, mi parolas Esperanton, la polan kaj la anglan.
Aldone, dum mia lingvistika studado mi devis lerni legi multege da lingvoj, plej ofte mortaj, do mi ne parolas ilin, sed havas diversgradajn konojn.

Mi parolas la hispana (denaske), la angla (bonege), la franca (bone), esperanto (iom), kaj iomete la germana kaj la itala.

Mi scipovas la anglan, mia denaska lingvo. Mi povas pli-malpli komprenigi min en Esperanto kaj la hispana. Mi havas bazan scion de la germana (mi ŝatus kompetenton samnivelan al la hispana).

Mi parolas anglalingve denaske. Mi lernis Esperanton en la interreto kiel mia unua fremdlingvo, kiam mi havis nur 11 aŭ 12 jarojn, ĉar mi legis, ke ĝi facilas komparite kun naturlingvoj. Min obsedigas ĝi iam ekde tiam. Pli frue, en la altlernejo, mi lernis la hispanan, kaj pri la angla ekinstruis denaskhispanlingvanojn, kiuj loĝis nian urbon en la Usona mezoriento, kaj asistis nian lernejon, kompreninte neniom da la angla.

Mi scipovas la eŭskan kaj la hispanan denaske. Aldone mi scipovas la anglan, la japanan, Esperanton kaj la katalunan bone.
Mi nuntempe studas la svahilan kaj la suoman samtempe.

Iom libere mi parolas nur la rusan kaj Esperanton. Mia angla estas sufiĉe bona por foje vendi ĝin :) Krome mi relative bone regas la osetan kaj administras la osetan vikipedion (os.wikipedia.org). Mi povas legi en la pola, la bulgara kaj la franca, iom lernis la finnan kaj kelkajn aliajn lingvojn.

Mi estas lingvemulo, sed forte mankas al mi motivaro kaj tempo por finlerni la komencitajn lingvojn. Mi speciale bedaŭras, ke mi ne atingis iom pli altan ŝtupon pri la finna kaj la turka; tiuj du elstare belas laŭ mi.

Mi bone parolas la afrikansan (kiel hejmlingvo / patrina lingvo), la anglan, la nederlandan kaj iom bone ankaŭ Esperanton. Cetere mi iom parolas la germanan kaj la francan. Mi iom komprenas skribitajn skandinavajn kaj latinidajn lingvojn.

Mia denaska lingvo estas la portugala. Mi parolas la francan (altnivele) kaj Esperanton (meznivele). Mi komprenas la hispanan kaj la italan (iomete).

Mi parolas la ĉeĥan (denaskan), Esperanton kaj iome la rusan. Danke al Esperanto mi kapablas kompreni iomete eĉ la aliajn lingvojn, tamen ne kapablas flue paroli per ili.

Mi parolas anglan, germanan, kaj Esperanton. Mi eklernas Volapukan kaj korean.

Mi parolas, krom la gepatra lingvo (la portugala), esperanton kaj la hispanan. Mi ne sufiĉe bone parolas en la angla.

Ofte homoj diras ke mi parolas la anglan. Ne veras. Mi parolas la usonan ĉar mi loĝas en Usono. Mi ne ĉiam komprenas la anglan. Mia unua lingvo, kvankam mi naskiĝis en Usono, estas la germana. Sed mi ankaŭ parolas Esperanton, kiu estas por mi la plej ŝatata, ja la amata lingvo. Krom tiuj, mi parolas la francan, la portugalan, la hispanan, la italan, la norvegan kaj nuntempe mi studas la ĉinan (mandarinan) sed ĝi estas tre malfacila lingvo por mi. Mi iam studis la havajan. Mi komprenas la svedan kaj la danan.

Mi parolas la francan, kaj elturniĝas pli malpli bone en la angla, la itala, la japana kaj esperanto.

Mi parolas la hungaran lingvon, kaj mi bone komprenas certe Esperanton, sed parolas ankoraŭ la rusan , germanan kaj bulgaran lingvojn. Krome mi legas eĉ pliajn eŭropajn lingvojn.

Nun mi parolas kun sufiĉa de facil-moveco, evidente, la Hispana-naci-lingvon. Ankaŭ la Francan (ĝi estis mia unua fremda-lingvo, kiu mi studis en la lernejo). Ankaŭ la Angla (kiu estas tre helpema en mia granda kvanto de vojaĝoj.
Kaj (nur ekde 5 jaroj antaŭe) la Esperanto. Kiu mi ŝatas intensege!
Kaj pri kiu mi havas mirindegan spirit-antaŭ_vidojn = Mi estas tute konvinkita pri ke ĝi alvenos vere je esti, kun leĝeraj modifoj, la vera universal-lingvo.

Mi kredas kaj esperas ĝin, tra la graco de la PATRINA-DIA-ENTO !!

JANTOR

Saluton,
mi parolas la francan kiel denaskan lingvon, poste venas
- Esperanto, mia plej ŝatata,
- sed ankaŭ la maroka dialekto, kiu estas iom pli simpla varianto de la araba kun nordafrikaj apartaĵoj. Ĝin mi prononcas sufiĉe bone, sed mankas vortprovizo kaj kunparolantoj en la ĉiutaga vivo, ĉar neniu alia familiano parolas ĝin.
- La anglan foje mi parolas kiam mi havas okazon por tio (kiam venas anglalingva gasto), foje legas ĝin.
- La germanan mi preskaŭ entute forgesis, sed foje retrovetas kiam mi bezonas.
- La hispanan mi kapablas iomete legi, kaj eĉ kompreni foje !
- La okcitanan mi ŝatus paroli flue, mi foje komprenas ĝin, ĝi preskaŭ malaperis el mia ĉirkaŭaĵo, dum ĝi estis la reganta lingvo antaŭ unu jarcento en la kamparo. Ankoraŭ nun homoj lernas ĝin, kaj parolas, kantas, verkas, ktp, sed iom artefarite, ĉar ili lernas ĝin en lernejo : oni malpermesis ĝin en la lernejoj dum 100 jaroj, kaj ĝi preskaŭ malaperis. Multaj parolmanieroj el la regiono venas el ĝi, eĉ en la franca. Antaŭ mil jaroj, ĝi estis LA literatura lingvo en la suda duono de nuna Francio. Lingvo por poezio, kanzonoj, ktp. Ĝi estas belega lingvo laŭsone ankaŭ, tre riĉa gramatike, kun enorma vortprovizo, pli riĉa ol la franca. Kiel latinida lingvo, ĝi tre proksimas al la kataluna.
- La rusan, la grekan, la turkan, la portugalan kaj la hispanan mi tre ŝatus paroli, se venus okazo por tio.

Verdire, miajn preferatajn lingvojn mi lernis aŭd-parole ekde la komenco. Nur per la muziko de la lingvo oni vere profunde ek-ensorbas ĝin.

Mi parolas la hungaran denaske. Krome mi parolas Esperanton, iom anglan, kaj iomete germanan. En la bazlernejo mi lernis la rusan, sed bedaŭrinde mi preskaŭ tute forgesis ĝin pro la manko de uzado...

Mi parolas la anglan, la francan,la danan kaj Esperanton. Iam mi studis la italan kaj la serban, tamen pro la neglekto mi ne plu kapablas paroli ilin.

Mia unua lingvo estas la germana.
Ĉar mi loĝas en Usono, mi kvinjara lernis la usonan (ne la anglan). Mi ankaŭ parolas la francan, la hispanan, la italan, la portugalan, kaj la norvegan. Ĉar mi akiris la norvegan, mi ankaŭ komprenas la svedan kaj la danan. Mi parolas ankaŭ la turkan. Mi studis/studas la ĉinan. Mi ankaŭ studis la havajan sed mi ne paroals ĝin bone. Por tio mi devus vivi en Honolulu aŭ sur la insulo de Hawai'i (Havajo).
Kiam mi estis en la universitato mi estis devigata studi la rusan sed mi tute forgesis ĝin.

Mia patra lingvo estas rusa, ankaŭ mi parolas: francan - sufiĉe bone, anglan - nebone, kaj Esperanton - iom nun.

Mi nur parolas hispanan.

mi parolas ruse kaj esperante
same legas ))