Ĉu vi volas saluti viajn slovakiajn amikojn (nin)? Ĉu vi volas ekkoni turistajn informojn pri Slovakio? Aŭ simle trovi novajn amikojn el alia lando?
Se vi almenaŭ unu foje respondis pozitive do legu plu...
Antaŭ kelkaj tagoj ni lanĉis oficialan Slovakian Esperantan diskutforumon. Plejparto de ĝi servas por bezonoj de SKEJ kaj neesperanta Slovakia publiko. Por niaj eksterlandaj amikoj (por vi!) ekzistas unu fadeno por povi diskuti Esperantlingve, enregistriĝo en tiu ĉi fadeno ne estas deviga.
La forumo ankoraŭ estas nova kaj ĝis nun malmultaj ion skribis en ĝi. Do estu vi la unua skribanto en la Esperantlingva fadeno, krom ke vi ĝojigus nin vi ankaŭ helpos plenigi la forumon kaj do sekve plibonigi imagon pri ni en Slovakia medio
Adreso de la forumo estas:
Komentoj
Tre bona faraĵo!
Mi pensas, ke oni devas prilabori ĝis la fino “Esperanta diskut-rondo”.
En ĝi ĉio devas esti esperantlingve. Nun mi vidas
Založiť novú tému, Prejsť na, Fórum je prázdne., Nie ste prihlásený. k.t.p.
Krome, mi proponas al vi substreki, ke la diskutado estas diverstema – ne nur pri Esperanto. Tiam vere plibonigos imagon pri ni.
Ekzemple, mi dezirus ekscii kiaj estas slovakiaj legitimkartoj? Ja tio (legitimdokumentoj) estas nun aktuale en Bulgario.
Kaj poste mi povos skribi en mia bulgara blogo “esperantaj amikoj el Slovakio skribas al mi pri…”. Efike, ĉu ne?