Ensaluto

Poemo por Kimmie, amatinjo mia

La originalon de tiu ĉi blogero mi antaŭ iom da tempo publikigis en Ipernity: http://www.ipernity.com/blog/andreaslovaniensis 

--------------------------------------

01.12.2008

Il mondo per Kimmie

(Esperantaj versoj por dolĉega Kimmie,

verkis Andreo sorĉite...)


Vagas mi laŭ stratoj strate grizaj
kaj enkore nur enuo regas,
suspirigas min sopiro – flegas
nur la pensoj pri l‘ revido skizaj…

Estas VI tutsole mensestrino
mia, dum soleca ir’- eĉ rimon
mi ne plu obei volas – kaj post
pordoklak’ mi hejmas (sed ne vere…)


Mi revas... mi revas...

MI REVAS!

Se vin revidos mi, ho Kimmie kara,
nur tiam vere hejmos mi; feliĉo
en nia mondo regos, se vi lasos
min roli kiel lupfantom’ plej via
fortike fanatike brakumema,
sorĉita de via amata am’ –
mi nomos vin feino, lumo bela
de l’ tero tuta, sunradi’ sur tiu
afabla mondo donacanta vin al
mia amplena mi’; vi malnigrigas
la vivon, ĝojplenigas, vi instruas
al mi pri ĉiuj mondaj beloj – plekti
miajn fingregojn kune kun la kara
karesilaro de manetoj viaj;
la plandojn kiseti prudente, vian
hararon riveran malkovri per la
nazo ŝipeca, ĝui, ami, vivi –
kaj daŭre tiu dolĉa stat’ de… sato.

(Se estos nur vi kun mi… jen ĉio bona.)
bildo de Andreo.Peetermans

Komentoj

bildo de Wel-brazilulo

Vera amo de poeto... :)

Gratulon, kara Andreo. Kiel agrable estas fojfoje legi tiajn viscerajn versojn. Ili igas nin memori, kiel amo gravas!!

Ho jes kaj dankon!

PS: Foje mi timas esprimiĝi per aforismoj, ĉar kelkaj esperantistoj tion malestimas. Al ni almenaŭ, latinaj, tio estas tre natura lingvaĵo. Mi aludas al 'viscerajn'. Mi kurioziĝas, kion estas via penso, kaj de aliaj pri tio. Ĉu tio jam pli normale akceptiĝas?

bildo de Andreo.Peetermans

Danke al miaj konoj pri la franca kaj post iom da guglado, mi trovis ke temas pri "instinktiva"... Mi tamen ne spontane komprenis tiun uzon de "viscera", laŭ mi ĝi tute ne estas evidentaĵo.

Andreo.

bildo de Wel-brazilulo

Prave, 'instintikva' bonege redonas la sencon. Vere 'viscera' en Eo ŝajnas pli dece en sia origina senco. Do oni komprenu kiel 'instinktiva' mia celo. Ankau dankon por via intereso!


povigita de