Viaj impresoj pri Esperanto.com

Ekoran saluton!

Mi ne trovas eblon, kie mi povus mallonge prezenti mi en mia profilo, kaj afiŝi ligilon al mia Ipernity blogo, en kiu jam troviĝas multe da enhavo.

Mi proponas pristudadi la solvojn de Ipernity, ĉar ĝi funkcias tre kontentige.

Dezirante brilan sukceson:

Akva

Venis al mia kapo:

Ĉu mi jam povus alŝuti sondokumentojn rekte en ĉi tiu paĝaro?

Akva

Nu, ĝenerale ĝi bonas, ĝi belaspektas. Estas kelkaj fuŝaĵetoj sed ne tiom gravas.

tamen, al mi ne multe plaĉas la pupeton de la ĉefpaĝo (mi bedaŭras ^^")

Fakte, la plej grava problemo estus ke ĝi estas unu socia retpaĝo pli en esperantio, kaj tio iom ĝenas kiam oni volas komuniki ion, ekzemple aranĝon, oni devas aperigi plurloke.

Sukseson!

Se mi ne povas vidi resp. legi, ĉu la enhavo (diskutoj ktp.) de iu grupo interesas al mi, mi ne volas aliĝi al tiu grupo. Mi tute ne volas aliĝi al grupoj kun sekreta enhavo.

"Neniuj publikaj afiŝoj en ĉi tiu grupo. Konsideru aliĝi al ĉi tiu grupo por vidi ĝiajn afiŝojn." ???

(Cetere, ankaŭ al mi la pupeto de la ĉefpaĝo ne plaĉas.)

Verdire ege simpatia retejo estas Esperanto.com, malgraŭ ke ankoraŭ tutnova je kampo de teknika sistemo ...certe kompare al aliaj...sed mi jam trovas ĝin utila kaj konvena al esperantistoj en la reto.Kaj ju pli da interesaj tujmesaĝiloj kaj informkanaloj por esperantistoj kunveniĝi, desplibone .

La ideo mem estas bonega. La retejo fariĝu centro de virtuala Esperantujo. Tamen...

La retejo estas iom... peza. Interfaco ne tre klaras kaj belas. Jen mi eniris la retejon kaj kion mi vias? Nur ludoj. Kie estas miaj blogaĵoj? Kie estas blogaĵoj de miaj amikoj? Jes, mi tuj povas legi ĉies blogaĵoj - nun entute estas 709 uzantoj kaj la plena listo ne ĝenas min, sed mi volus legi nur enskribojn de miaj amikoj.

Sufiĉe grandaj uzantbildoj postulas tro da spaco (ĉefe en komentoj). Iru al la Listo de uzanto kaj provu kompreni kiu estas kiu: kiu kromnomo maldekstre respondas al uzantbildo maldekstre?

Listo de artikoloj de uzanto (ĉu blogo?) aspektas tro lakone - mi esperis vidi tie ne nur titolon, daton k.a. statistikon, sed ankaŭ la teksto mem (aŭ almenaŭ ĝian parton). Simile al la paĝo http://esperanto.com/blog sed por unu uzanto.

La teksta redaktilo ne tre oportunas, ekz-e butono "Paste from Word" kaj "Paste as Plain Text" troviĝas eĉ en diversaj linioj dum tiuj du devus esti kun - unu ĉe la alia. Krome, estus bone havi ian pli facilan - tekstan - redaktilon (mi preferus Markdown formaton).

Fotogalerioj: kial bildetoj estas aranĝitaj en unu kolumno? Aspektas tre malbone!

Fine, ŝajnas ke mi trovis eraron: en Statuso (http://esperanto.com/user/166/status) mi trovis jenan tekston:

oramezo's Statuses
<?php $account = user_load(array('uid' => arg(1))); if (!$account->uid) { echo t('This user has no statuses yet.'); return; } $count = facebook_status_has_status(arg(1)); if (!$count) { global $user; if ($user->uid == $account->uid) { echo t('You have no statuses yet.'); } else { echo t('@name has no statuses yet.', array('@name' => check_plain($account->name))); } } ?>

Mi havas la impreson, ke ĝi teknike sufiĉe bonas.

Tamen mia impreso estis kaj restis, ke tre malfacilas orientiĝi.
Ekzemple nun mi ne scias kiel trovi miajn grupojn?
(Post la skribo de tiuj mi preskaŭ tuj trovis. Kial ĝi ne estas ankaŭ ĉe mia profilo? )

Sed ĉu unu persono povas havi nur unu blogon? Se jes, kial? Se ne, kiel ne?
Mi ne volas fari novan grupon por nova blogo. Ŝajnas, ke eĉ grupo povas havi solan blogon. Ĉu?

Esperanto.com surprizigas min: tiom da eblecoj!
"Litere en Esperanto" estas genia... mi timas ekludi ĉar mi neniam volas fini.
Ĉar kaj e-o.com kaj lernu estas drupalaj, ĉu ne eblus aldoni vortaron kiel tiu kiu lernu havas? Estus praktika afero kaj certe allogos komencantojn ĉi tien.

Aldone, mi ankoraŭ ne komprenis la poentojn... ĉu ili iamaniere utilas (krom scii la aktivado)?

Iel ajn, gratulojn!

Sammondane,
Ĥod

Tiun ĉi retejon mi trovas tre bona, inda ne nur je ekzisto sed ankaŭ je uzo. Ke ni havu nian propran socian retejon (t.e. en nia genia lingvo), tio mem estas ja bonaĵo! Detaloj perfektigindaj certe estos perfektigitaj... Mi nur diras al la administrantoj tion: ne realigu tuj kaj blinde ĉiun etan peton aŭ postulon de la uzantoj, ĉar esperantoparolantoj kaj esperantistoj estas ofte tiel, kiel ĉiuj civitanoj ajn... oftfoje tre kritikemaj...

Mi opinias, ke tio estas tre bona ideo, tielmaniere ebligi al ni esprimi niajn opiniojn pri divesaj temoj.
Min nuntempe iomete malghojigas okazajho, ke kelkaj esperantistoj strebas krei novan artefaritan internacian lingvon. Ekzemple : "LINDEPLA" - Lingvo de planedo. Kaj kiam mi ne konsentis,la kreanto de nova lingvo opinias, ke Esperanto estas tro fermita - ielmaniere dogmatika. Chu vere? Ekzistas dogmatikoj inter ni?
Ni bezon kontraustari la anglisman inundon kaj strebi subteni naciajn kulturojn por ke niaj naciaj kulturoj ne malaperu en abismo de globalisma mondo.

Jes, oni bombardis min en Fejsbuko pri tiu "lingvo de la planedo". Multaj homoj scias, ke Esperanto ne estas perfekta lingvo. Tamen, oni devas bone kaj plene konscii, ke ekzistas neniu lingvo perfekta kaj ekzistos neniu lingvo perfekta, ĉar lingva perfekteco ne eblas, dum la homa menso estu io ŝanĝanta kaj evoluanta... kaj ankaŭ pro tio, ke la perfekteco estas io tre subjektiva! Oni nur devas konsenti, ke Esperanto estas la plej taŭga nuna planlingvo por internacia komunikado kaj subtenu ĝin longdaŭre.

Pri la fermiteco kaj dogmeco de Esperanto, se tio temas pri fikseco de la lingvaj trajtoj, tio estas tute bona kaj necesa eco. Sen tiu "fermiteco", la lingvo evoluontus danĝere disiĝante en multaj dialektoj. Atentu, ke Esperanto ne estas lingvo tiel, kiel la naciaj aŭ etnaj. Oni ne devas trakti ĝin tiel, kiel oni traktas la naciajn lingvojn, kiu estas tre "liberaj" kaj, precipe pro tio, tre ĥaosaj. Kaj la dogmeco de Esperanto ne estas tiel. Mi bone konas multon da esperantoparolantoj tiuj, kiuj malakceptas ĉiujn dogmojn ene de la Esperanto-Movado. Eble tre multe kaj ofte!