Ensaluto

Viaj impresoj pri Esperanto.com

bildo de Dima Ŝevĉenko
bildo de robbkvasnak

Fakte, Esperanto estas la plej libera lingvo kion mi konas. Oni ja rajtas uzi neologismojn se oni volas, sed sin demandas se aliuj akceptos ilin. Oni rajtas uzi la prefiskojn kaj la sufiksojn laŭlogike kun ajna vortradiko. Entute, laŭ mi, kaj mi parolas 9 aliajn lingvojn, E estas la plej potenca, plej efika, kaj plej bela. Robb

Salutojn el sunoza Florido! Venu viziti min - ni havas gastĉambron por du personoj!

bildo de Tjeri

 

jen, miaopinie, tio, kio malhelpas la disuzadon, disvastigon de esperanto.com:

 

1: ĝi ne estas fakte uzebla de neregistritaj uzantoj, kiuj ne povas facile kaj rapide trovi informojn de iu alia registrita uzanto.

Se mi kreas konton "Klubo Ludoviko", ano de tiu klubo, kiu ne havas konton, ne povas facile kaj rekte vidi la informojn metitajn de tiu "Klubo Ludoviko": ĝiajn blogaĵojn kaj ĝian kalendaron. (kalendaro estas tre grava por klubanoj)

Mi proponas: Akceptopaĝo >"Serĉi uzanton" > tajpado de la serĉita uzanto > aliro al la enmetitaĵoj de la uzanto

Se homoj venas por legi informojn de aliuloj, parto de ili kreos sian konton.

 

2: Mi havas konton de preskaŭ 4 jaroj, mi tre malmulte  uzas ĝin. Kial? Unue ĉar mi ne sentas min "ĉehejma" tie. Kiam mi konektiĝas mi aliras al ekflagrokolora fatrasa paĝo, kie mi ne tuj vidas miajn enmetitaĵojn. 

Iu, kiu sentas sin hejme, restas, kaj vizitas aliulajn kontojn kaj komunajn diskutojn.

 

3: aliaj malpli gravaj kritikoj

-  la retejo estas neimageble malbela

- mi teste kreis eventon en mia kalendaro, mi ne trovis kiel nulini ĝin. Tamen okazas sufiĉe ofte, ke esperanto aranĝo estas nuligita, ĉu ne?

- la etikedaro de blogoj estas nelegebla pro troa multeco kaj maltaŭgeco. Mi proponas, ke uzanto ne povu krei siajn etikedojn, li elektu inter proponitaj. Se li ne trovas taŭgan, li proponu alian al administranto. 

- ĝenerale la retejo estas malfacile uzebla, ĉar malbone aranĝita. Ekzemple, post elkonektiĝo ka rekonektiĝo, mi volis reatingi tiun mesaĝon, kaj devis tro longe serĉi kiel.

 

Mi sincere opinias, ke esperantujo bezonas tian retejon, kiel esperanto.com, ni ne trovos taŭgan solvon en minesciaskia "vikitŭitfejsnitio"; Mi estas dankema al ĝia teamo, kiu faris ĝin, sed mi opinias, ke ĝi nepre devas evolui por disvastiĝi, tio estas la celo de miaj kritikoj.

Amike, kaj "la korojn alten!"

bildo de Administranto

Saluton!

Dankon pro viaj gravaj komentoj! Kun multo mi konsentas kaj ni pensos kiamaniere pli bone realigi tion. Mi nun laŭpunkte ne komentu, sed dume mi volis respondi al du etaj punktoj de via mesaĝo:

- estas malfacile krei aspekton de la retejo (dezajnon), kiu ne estu simila al la aliaj sociaj retoj. Ipernity, ekz. perdis parton de "hejmeco", kiam oni refaris ĝian dezajnon kun pli fejsbuk-stilo. Ĝenerale problemo de aspekto estas malfacila, ĉar ĉiuj havas diversajn gustojn. Nun la plej grava afero estas fari "adaptivan" dezajnon, por la retejo komforte aspektu sur ajna ekrano.

- por forigi la aranĝon, eblas klaki "redakti" supre kaj poste "forigi" (same, kiel blogaĵon, ekzemple) Ankoraŭfoje dankon pro viaj komentoj. Ni laboru plu.

 

 

 

 

 

 

 

 

 

 

 

 

 

 

bildo de Tjeri

Dankon pro la informoj por forigi aranĝon.

Mi konsentas, ke la aspekta problemo estas malfacila, sed ĝi ankaŭ estas duaranga. Sed dezajno ne estas nur afero pri gusto. 

bildo de Tjeri

Ankaŭ alia farenda plibonigo:

En mia profilo mi trovas "Mia blogo, Miaj amikoj, Miaj novaĵoj, Mia propra kalendaro, Miaj mesaĝoj"... bone;

Sed se mi volas vidi miajn fotojn, mi devas trovi ilin per stranga vojo tra "mia konto" kaj "lastaj fotoj", ĉu tio povas havi racian kialon?

TT

bildo de Pablo

Ĉu indas fermi ĉi tiun blogaĵon, redirekti ĝin al http://esperanto.com/enhavo/kiel-evoluigi-esperantocom, aŭ kunligi ambaŭ?

bildo de terano

Tro konfuza.

 

Mi volas ŝanĝi mian kromnomon sed mi ne trovas:

Ilon por ŝanĝi la kromnomon [ĉi tio estas normala];

Ilon por eksiĝi (por poste krei novan konton);

Kontakton de la retestroj [ĉi tion mi jam trovis]

Eĉ ilon por fermi seancon [ĉi tio estas malbonega].

 

Aktualaĵo:

Mi trovis ke en kelkaj retejoj estas maleble mi ŝanĝi la kromnomon kaj eĉ eksiĝi, do mi rezignas. Mi ne volas tedi retestron pri ĉi tiu stultaĵo. Sed ne havi facile troveblan butonon por fermi seancon, tio ne estas bona.

bildo de Dima Ŝevĉenko

Dankon pro viaj komentoj!

 

Ni realdonis ilon por elsaluti. En ajna paĝo de la retejo (krom la ĉefa) en la maldekstra bloko "Mia spaco" necesas premi "Elsaluti". La rekta ligilo estas http://esperanto.com/logout

 

Forigi la konton aŭ ŝanĝi vian kromnomon nuntempe vi povas pere de kontakto kun administrantoj.

bildo de terano

Dankon kara Dima.

bildo de zamenophis

Tiel, ke mi diris...

 

Mi ŝatus debati pri temoj kiuj esperantistoj kutime evitas, ĉar ili aspektas kiel kritikoj de aliaj landoj. Sed ĝuste esperanto estis kreata por interkompreniĝi, kaj interkompreno estas bezonata ĉefe kiam ni unuavide ne interkonsentas.

 

Mi volas scii, kion opinias geesperantistoj de aliaj landoj, por kompreni ilian pensmanieron. Kial Usono permesas pafilojn? Kial Brazilo detruas siajn arbarojn? Kial Rusio senkondiĉe subtenas sirian diktaturon? Kial Ĉinio ne ŝatas la nunajn UN-ajn homajn rajtojn? Kion ili volas aldoni aŭ forstreki pri ili por ke ili ne aspektu okcidentecaj? Kial Afriko naskas tiom da infanoj? Kial en multaj landoj virinoj estas malsuperaj al viroj? Kial Japanio konstruas atomcentralojn tie, kie estas tertremoj? KIal Mezoriento ne povas travivi pacon? Kial Eŭropaj landoj subskribis traktatojn kiuj nun ruinigas ekonomion de la duono de ili?

 

Ĉu estas ejo en eo.com kie oni debatas pri tiaj temoj?

Amike,

 

Zamenophis, esperanta faraono

bildo de zamenophis

Mi estas nova en Eo.com. La aspekto estas bela, sed la mesaĝoj ne estas tre oftaj. Mi ŝatus trovi lokon por diskuti temojn kiuj kutime dividas la homojn, sed en spirito de interkompreno, ĉar Esperanto estis kreata ĝuste por tio. Mi ne estas politika batalanto, sed emas kompreni, kial en aliaj landoj homoj pensas malsame ol en la mia. Ofte estas pro faktoj pri kiuj oni kutime silentas en ies landoj, sed multe reklamas en aliaj landoj. Tio povus kontribui al kreado de komuna kulturo en la E-movado.

Amike,

 

Zamenophis, esperanta faraono

bildo de Dima Ŝevĉenko

Nun vere Esperanto.com estas sufiĉe malaktiva, tamen aliaj similaj retoj, kiujn kreis la esperantistoj mem, konsiderante trajtojn kaj bezonojn de esperantista komunumo mankas. Tio estas nia komuna afero. Se ni invitos ĉitien plurajn E-amikojn, la reto aktiviĝos kaj ni povos diskuti diversajn aferojn. Se vi havas iujn ideojn pri tio, skribu kaj ni komune realigos tion.

bildo de zamenophis

OK mi komprenis... Se oni rekte respondas al mesaĝo, la respondo aperas sube. Sed se oni respondas per nova mesaĝo, ekz. por ne ripeti senutile la tekston (kiam ne estas interaj mesaĝoj), ĝi aperas supre.

Amike,

 

Zamenophis, esperanta faraono

bildo de Alberto Cavarzin Wójcik

Mi ekkonis pri ĝi dank’al artikolo ĉe Libera Folio.

Koncerne al la projekto, mi ĝin taksas bonega kaj laŭdinda!

Oni subtenu ĝin!

Ha, mi tre ŝatis la bildojn de la knabineto de Esperanto.com. Kiu ilin kreis? Mi ŝin/lin gratulas pro tio!

Nu, ni iru antaŭen!

Dankon pro la atento!

bildo de fefcas

Mi sentas grandan neceson pri serĉilo en iu ajn forumo, por ke la afero ne estu ripeteca: antaŭ ol meti novan afiŝon, prefereble oni serĉu la forumon, kontrolante ĉu tiu afero ne jam estas diskutita.

Ĉu mi maltrafis la serĉilon? Se jes, kie ĝi estas?

bildo de Sergej Tabakajev

Pli bone se ekzistus unueca socia retejo por esperantistoj, ol disaj blogoj kaj retejoj kiel nun. Mi opinias ke esperanto.com taŭgas por ĉi tiu celo.

bildo de Štefan Stanislav

Mi opinias, ke tio estas tre bona ideo, tielmaniere ebligi al ni esprimi niajn opiniojn pri divesaj temoj.
Min nuntempe iomete malghojigas okazajho, ke kelkaj esperantistoj strebas krei novan artefaritan internacian lingvon. Ekzemple : "LINDEPLA" - Lingvo de planedo. Kaj kiam mi ne konsentis,la kreanto de nova lingvo opinias, ke Esperanto estas tro fermita - ielmaniere dogmatika. Chu vere? Ekzistas dogmatikoj inter ni?
Ni bezon kontraustari la anglisman inundon kaj strebi subteni naciajn kulturojn por ke niaj naciaj kulturoj ne malaperu en abismo de globalisma mondo.

bildo de robbkvasnak

Nova planlingvo? Tion ni nepre NE bezonas. Esperanto havas la spertojn de milionoj da homoj dum preskaŭ 125 jaroj. Esperanto estas la plej sukcesa planlingvo de nia planedo (se oni ne inkludas la altan germanan, la modernan hebreon, kaj la indonezan kiel plan lingvoj). Rekonstrui la historion de Esperanto estas romantika sed senutila revo.

Salutojn el sunoza Florido! Venu viziti min - ni havas gastĉambron por du personoj!

bildo de Kelli

Mi multe ŝatas Esperanto.com, kaj mi indikas ĝin por aliaj personoj...Sed mi trovas kelkajn malfacilaĵojn, unue ke mi estas iom malatenta, forgesas kiel uzi ĝin kaj ankaŭ ke ne ĉiam mia retservanto bone funkcias:-)

bildo de hxod

Esperanto.com surprizigas min: tiom da eblecoj!
"Litere en Esperanto" estas genia... mi timas ekludi ĉar mi neniam volas fini.
Ĉar kaj e-o.com kaj lernu estas drupalaj, ĉu ne eblus aldoni vortaron kiel tiu kiu lernu havas? Estus praktika afero kaj certe allogos komencantojn ĉi tien.

Aldone, mi ankoraŭ ne komprenis la poentojn... ĉu ili iamaniere utilas (krom scii la aktivado)?

Iel ajn, gratulojn!

Sammondane,
Ĥod

Sammondane, Elias

bildo de Dima Ŝevĉenko

>Esperanto.com surprizigas min: tiom da eblecoj!
>"Litere en Esperanto" estas genia... mi timas ekludi ĉar mi neniam volas fini.

Dankon!

>Ĉar kaj e-o.com kaj lernu estas drupalaj, ĉu ne eblus aldoni vortaron kiel tiu kiu lernu havas? Estus >praktika afero kaj certe allogos komencantojn ĉi tien.

Lernu ne uzas Drupalon, ili uzas tute alian sistemon.
Ni pensas pri la vortaro kaj eventuale aldonos estonte kelkajn servojn por komencantoj.

>Aldone, mi ankoraŭ ne komprenis la poentojn... ĉu ili iamaniere utilas (krom scii la aktivado)?

Ili dume estas bezonataj por vidi, kiuj uzantoj estas la plej aktivaj.

bildo de ak

Mi havas la impreson, ke ĝi teknike sufiĉe bonas.

Tamen mia impreso estis kaj restis, ke tre malfacilas orientiĝi.
Ekzemple nun mi ne scias kiel trovi miajn grupojn?
(Post la skribo de tiuj mi preskaŭ tuj trovis. Kial ĝi ne estas ankaŭ ĉe mia profilo? )

Sed ĉu unu persono povas havi nur unu blogon? Se jes, kial? Se ne, kiel ne?
Mi ne volas fari novan grupon por nova blogo. Ŝajnas, ke eĉ grupo povas havi solan blogon. Ĉu?

bildo de Dima Ŝevĉenko

ak skribis:
Mi havas la impreson, ke ĝi teknike sufiĉe bonas.

Tamen mia impreso estis kaj restis, ke tre malfacilas orientiĝi.
Ekzemple nun mi ne scias kiel trovi miajn grupojn?
(Post la skribo de tiuj mi preskaŭ tuj trovis. Kial ĝi ne estas ankaŭ ĉe mia profilo? )

Sed ĉu unu persono povas havi nur unu blogon? Se jes, kial? Se ne, kiel ne?
Mi ne volas fari novan grupon por nova blogo. Ŝajnas, ke eĉ grupo povas havi solan blogon. Ĉu?

Grupojn, kiujn vi partoprenas, eblas vidi ĉi tie:
http://esperanto.com/og/my

Unu uzanto povas havi blogon kun nelimigita kvanto de blogaĵoj. Tamen la sistemo permesas krei komunajn blogojn. Tio signifas, ke vi povas aldoni (aŭ ne aldoni) iujn viajn konkretajn blogaĵojn al iu grupo, kiun vi kreis aŭ partoprenas (kaj havas rajton aldoni tien blogaĵojn).
Tiamaniere vi povas havi personan blogon kaj samtempe partopreni en pluraj komunaj blogoj.

bildo de ak

Mi tute ne komprenas.
Mi havas unu personan blogon.
Mi aldonas al grupo novan blogaĵon.
Ĝi aperas kaj ĉe la grupo kaj en mia persona blogo.
Sed mi havas tri apartajn temojn, kiujn mi ne volas miksi.
Nek por mi, nek por aliaj.

bildo de Dima Ŝevĉenko

Bedaŭrinde dume tiamaniere fari ne eblas. Ĉio aperos ankaŭ en via persona blogo.
Dume, se vi ne volas, ke iuj informoj aperu en via persona blogo, vi povas uzi diskutojn (forumajn temojn) en grupoj.
Eventuale poste ni antaŭvidos eblecon krei rubrikojn en blogo.

bildo de abuadil

Mi samopinias kun Goren : esperanto.com ne estas tro aktiva ĵus nun (kompreneble ĉar ĝi estas nova paĝaro) sed ŝajnas promesa.

bildo de robbkvasnak

En ĉitiu paĝaro mi lernas pri aliaj paĝaroj. Mi lantlante lernas pri ega retmondo da Esperanto-paĝaroj. Tio fortigas mian kredon ke Esperanto havas brilegan futuron ĉe la homaro. Mi malkovras ĉiam pli da homoj kiuj parolas kaj skribas en ĝi. Kiam mi komparas la nunan staton kun la stato de Esperanto kiam mi eklernis ĝin antaŭ multaj jaroj mi miregas. Esperanto.com servas al mi bone kaj mi dankas por tio.

Salutojn el sunoza Florido! Venu viziti min - ni havas gastĉambron por du personoj!

bildo de humanitas

Mi pensas ke Esperanto.com estas sur perspektiva vojo kaj mi gratulas la iniciatintojn kaj mastrumantojn. Samtempe mi konsentas kun ĉiuj ĝisnunaj bonvolemaj kaj konstruemaj rimarkoj rilate plibonigon de la retejo. Mi mem tiusence havas nenion novan por aldoni. Kiel kunordignato de Ligo Humanitas http://www.liga.humanitas.info (en intensa preparo estas la sama retejo en anaku lingvo Esperanto) - humanista asocio kun sidejo en Kroatio uzanta Esperanton kiel sian preferatan internaciskalan laborlingvon - kaj kiel redaktoro de portaloj (retejoj, retpordegoj) Humanitas, interalie ankaŭ Portalo Humanitas en lingvo Esperanto http://www.esperanto.humanitas.info, mi proponas kunlaboron kun Esperanto.com. Por komenco mi propoanas almenaŭ interŝanĝon de reklambandoj (rubandoj). Celo de Projekto Humanitas estas disvastigadi kaj en Kroatio kaj internaciskale humanismajn idealojn kaj valorojn, interalie en ankaŭ lingvo Esperanto kvankam ne nur en Esperanto, helpi ariĝadon, interkomunikadon kaj kunlaboradon de humanismaj esperantistoj kaj de esperantismaj humanistoj, eĉ ankaŭ propagandi Esperanton en monda Humanistujo. Do, kulaboro kun Esperanto.com bonvenegas! Mato Špekuljak http://humanitas.info/spekuljak/indexesp.htm

bildo de Goren

Kaj jes, ĉu eblas anstataŭigi en adreso, ekz. 'content' per 'enhavo', 'comment' per 'komento', 'reply' per 'respondo' ktp?

bildo de Dima Ŝevĉenko

Goren skribis:
Kaj jes, ĉu eblas anstataŭigi en adreso, ekz. 'content' per 'enhavo', 'comment' per 'komento', 'reply' per 'respondo' ktp?

Jes, baldaŭ ni tion faros.

bildo de oramezo

La ideo mem estas bonega. La retejo fariĝu centro de virtuala Esperantujo. Tamen...

La retejo estas iom... peza. Interfaco ne tre klaras kaj belas. Jen mi eniris la retejon kaj kion mi vias? Nur ludoj. Kie estas miaj blogaĵoj? Kie estas blogaĵoj de miaj amikoj? Jes, mi tuj povas legi ĉies blogaĵoj - nun entute estas 709 uzantoj kaj la plena listo ne ĝenas min, sed mi volus legi nur enskribojn de miaj amikoj.

Sufiĉe grandaj uzantbildoj postulas tro da spaco (ĉefe en komentoj). Iru al la Listo de uzanto kaj provu kompreni kiu estas kiu: kiu kromnomo maldekstre respondas al uzantbildo maldekstre?

Listo de artikoloj de uzanto (ĉu blogo?) aspektas tro lakone - mi esperis vidi tie ne nur titolon, daton k.a. statistikon, sed ankaŭ la teksto mem (aŭ almenaŭ ĝian parton). Simile al la paĝo http://esperanto.com/blog sed por unu uzanto.

La teksta redaktilo ne tre oportunas, ekz-e butono "Paste from Word" kaj "Paste as Plain Text" troviĝas eĉ en diversaj linioj dum tiuj du devus esti kun - unu ĉe la alia. Krome, estus bone havi ian pli facilan - tekstan - redaktilon (mi preferus Markdown formaton).

Fotogalerioj: kial bildetoj estas aranĝitaj en unu kolumno? Aspektas tre malbone!

Fine, ŝajnas ke mi trovis eraron: en Statuso (http://esperanto.com/user/166/status) mi trovis jenan tekston:

oramezo's Statuses
<?php $account = user_load(array('uid' => arg(1))); if (!$account->uid) { echo t('This user has no statuses yet.'); return; } $count = facebook_status_has_status(arg(1)); if (!$count) { global $user; if ($user->uid == $account->uid) { echo t('You have no statuses yet.'); } else { echo t('@name has no statuses yet.', array('@name' => check_plain($account->name))); } } ?>

bildo de Karesema

Verdire ege simpatia retejo estas Esperanto.com, malgraŭ ke ankoraŭ tutnova je kampo de teknika sistemo ...certe kompare al aliaj...sed mi jam trovas ĝin utila kaj konvena al esperantistoj en la reto.Kaj ju pli da interesaj tujmesaĝiloj kaj informkanaloj por esperantistoj kunveniĝi, desplibone .

Mi elkore deziras al tiu ĉi nova esperanta komunumo, tiom da sukceso kaj apogo kiom ĝi meritos pro laboro favore al nia afero. Estu ni, ĉiuj kunhelpantoj kaj kunlaborantoj de tiu ĉi apoginda virtuala informokanalo. Karesema!
" Unueco estas garantio de

bildo de andor

Vi pravas estimata Karesema.Mi samopinias kaj esperas, ke tiu ĉi paĝaro estos utila por tuta Esperantujo.

http://esperantoradom.blox.pl/html Jen estas blog/ar/o de nia loka E-grupo.Mi invitas vin por viziti kaj legi.

bildo de Algoviano

Se mi ne povas vidi resp. legi, ĉu la enhavo (diskutoj ktp.) de iu grupo interesas al mi, mi ne volas aliĝi al tiu grupo. Mi tute ne volas aliĝi al grupoj kun sekreta enhavo.

"Neniuj publikaj afiŝoj en ĉi tiu grupo. Konsideru aliĝi al ĉi tiu grupo por vidi ĝiajn afiŝojn." ???

(Cetere, ankaŭ al mi la pupeto de la ĉefpaĝo ne plaĉas.)

bildo de boriso

Mi kredas ke la problemo menciita okazas parte ĉar la administrantoj ne scias kiel publikigi sian forumon. Por fari tion, ili devas iri al sia grupo, poste elekti "Regi forumojn de grupo". Sekve ili povas publikigi siajn grupojn.

La blogaĵoj estas alia afero. Ĉiu homo kiu verkas blogaĵon povas elekti ĉu ĝi estu publika aŭ ne. Se ĝi estas publika vi vidos ĝin en la paĝo pri la grupo.

dankon pro via aktiva partopreno ĉe esperanto.com !

/boriso

bildo de boriso

Mi ĵus publikigis diskutojn de ĉiuj miaj grupoj.

/boris

bildo de Dima Ŝevĉenko

Temas pri tio, ke administrantoj de grupoj povas fari enhavon publika aŭ ne publika en propra grupo.
Neniu devigas vin aliĝi al grupo kun enhavo, disponita nur al membroj de grupo. Ŝajne tio estas bone, ĉu ne?

bildo de Goren

esperanto.com ne estas tro aktiva ĵus nun, sed ŝajnas promesa. Eble eventuale ĝi kreskos. Entute, ĝi sufiĉe bone funkcias por tiom juna paĝaro. Mi esperas, ke iam ĝi anstataŭigos mortintan ĝangalon...

bildo de Aleks

Nu, ĝenerale ĝi bonas, ĝi belaspektas. Estas kelkaj fuŝaĵetoj sed ne tiom gravas.

tamen, al mi ne multe plaĉas la pupeton de la ĉefpaĝo (mi bedaŭras ^^")

Fakte, la plej grava problemo estus ke ĝi estas unu socia retpaĝo pli en esperantio, kaj tio iom ĝenas kiam oni volas komuniki ion, ekzemple aranĝon, oni devas aperigi plurloke.

Sukseson!

:-P

bildo de Akva

Venis al mia kapo:

Ĉu mi jam povus alŝuti sondokumentojn rekte en ĉi tiu paĝaro?

Akva

VIZI László el Budapeŝto

bildo de Dima Ŝevĉenko

Dume ne.

bildo de Akva

Ekoran saluton!

Mi ne trovas eblon, kie mi povus mallonge prezenti mi en mia profilo, kaj afiŝi ligilon al mia Ipernity blogo, en kiu jam troviĝas multe da enhavo.

Mi proponas pristudadi la solvojn de Ipernity, ĉar ĝi funkcias tre kontentige.

Dezirante brilan sukceson:

Akva

VIZI László el Budapeŝto

bildo de Dima Ŝevĉenko

Por enmeti bezonatajn informojn, iru al via profilo. Tie premu supre la ligilon "redakti", post iom sube premu ligilon "profilo de uzanto".

bildo de brilanto

Saluton..

ĵus aliĝinte mi rimarkis unue:
- mankas spaco post 2 mesaĝoj en la unua salutmesaĝo?

- "TinyMCE agrodoj"

- en persona statuso aperas PHP-aĵo, kun anglaj vortoj ene [eble ĵus prilaborata?]

- "ĉapeligo" sub la foruma komentoskatolo

- Ĉu estas koincido, ke la same ne plu aktiva esperanto.info (neniu novaĵo ekde 2007) estu uzata anstataŭ la ekestonta aktuale.info? - Ĉu do daŭrigo de amikumu.com aŭ konkurenco al aktuale.info (kaj ev. eventeo.hu)?

- La amaso da ablecoj (fotoj, amikoj, blogoj..) jam nun tre similas al vizaĝlibro, kiu estas al mi tre labirinta kaj mortfrapanta. Mesaĝoj de nur 3 amikoj po tago kovras ĉion alian, kaj vidante, kiu amikiĝis kun kiu forpuŝas eble pliajn gravaĵojn. Se oni agordas, ke tiuj ne plu videblu, eble tamen io interesa malaperus - simple estas tro da informoj samtempe.

[Ha, cetere: ĉu iu uzas GoogleWave? Ege silentas pri ĝi, dum la bruo duonan jaron antaŭe..]

Nu, por momento sufiĉu..

esperantopori.wikispaces.com

bildo de Tjeri

Unue, ĝi havas la grandan avantaĝon ekzisti.
Sed mi opinias ĝin ne facile uzebla. Mi ne scias kiel orientiĝi en ĝi, kion serĉi?
Mi tre badaŭras, ke iu devas havi konton por vidi la enhavon de aliula konto. Tiel ĝi ne estas uzebla de klubo.
En nia klubo la plejparton de membroj, pro diversaj kialoj, neniam kreos konton en esperanto.com aŭ alia retejo. Do ne eblas uzi ĝin kiel informilo por la klubo. (Aŭ mi ne trovis kiel tiacele uzi ĝin)
Krome, ĝi estas malrapida.

bildo de Dima Ŝevĉenko

Tjeri skribis:
Krome, ĝi estas malrapida.

Kvanto da uzantoj de Esperanto.com kreskas. Kreskas ankaŭ kvanto de enhavo, aperas novaj eblecoj, uzantoj uzas la retejon pli kaj pli aktive. Tio kreas sufiĉe grandajn postulojn por la servilo.
Dume ni ne havas monan subtenon de la projekto. Sed estonte, eble ni povus "plifortigi" la servilon.

bildo de Dima Ŝevĉenko

Tjeri skribis:
Unue, ĝi havas la grandan avantaĝon ekzisti.
Sed mi opinias ĝin ne facile uzebla. Mi ne scias kiel orientiĝi en ĝi, kion serĉi?
Mi tre badaŭras, ke iu devas havi konton por vidi la enhavon de aliula konto. Tiel ĝi ne estas uzebla de klubo.
En nia klubo la plejparton de membroj, pro diversaj kialoj, neniam kreos konton en esperanto.com aŭ alia retejo. Do ne eblas uzi ĝin kiel informilo por la klubo. (Aŭ mi ne trovis kiel tiacele uzi ĝin)
Krome, ĝi estas malrapida.

Dankon! Ni tre ĝojas ke laŭ vi Esperanto.com devas ekzisti.

Dum venontaj du monatoj ni plenumos grandan laboron por evoluigi interfacon kaj help-sistemon.

Ne la tuta enhavo de Esperanto.com estas kaŝita por anonimaj uzantoj (ĉefe estas kaŝitaj profiloj kaj personaj informoj). Tamen grupojn, eventojn, fotoalbumojn kaj blogaĵojn eblas vidi sen ensaluto.
Por krei informejon de klubo, eblas krei grupon, kien eblas aldoni blogaĵojn, fotoalbumojn, diskutojn ka. Tiamaniere eĉ tiuj membroj de la klubo, kiuj ne havas konton ĉe Esperanto.com, povus vidi bezonatajn novaĵojn kaj informojn.

bildo de Dima Ŝevĉenko

Teknikajn demandojn ni pritraktos. Mi pardonpetas, ke supre tion ne indikis. Ĉiujn teknikajn demandojn kaj rimarkojn sendu al la speciala grupo kaj ĝiaj diskutoj:
http://esperanto.com/grupoj/teknikaj-demandoj

Ĉi tie estu nur ĝeneralaj impresoj.

>- La amaso da ablecoj (fotoj, amikoj, blogoj..) jam nun tre similas al vizaĝlibro, kiu estas al mi tre labirinta kaj mortfrapanta. Mesaĝoj de nur 3 amikoj po tago kovras ĉion alian, kaj vidante, kiu amikiĝis kun kiu forpuŝas eble pliajn gravaĵojn. Se oni agordas, ke tiuj ne plu videblu, eble tamen io interesa malaperus - simple estas tro da informoj samtempe.

Verŝajne. Tiaj estas sociaj retoj kaj esperanto.com ankaŭ.

>- Ĉu estas koincido, ke la same ne plu aktiva esperanto.info (neniu novaĵo ekde 2007) estu uzata anstataŭ la ekestonta aktuale.info? - Ĉu do daŭrigo de amikumu.com aŭ konkurenco al aktuale.info (kaj ev. eventeo.hu)?

Neniu volas uzi esperanto.info anstataŭ aktuale.info. Esperanto.info ne estis planita, kiel novaĵservo, sed kiel virtuala biblioteko pri Esperanto en diversaj lingvoj.
Esperanto.com ne povas konkurenci kun aktuale.info, ĉar havas alian mision. Paĝaro eventeo.hu ne ekzistas.


povigita de