Ensaluto

Erara ideo pri koruptado

Helpe de amaskomunikiloj, hispanaj koruptitoj diras ke se politikisto ne estas kondamnita de juĝisto, tiu ne agis fie kaj do, tiu ne estas koruptito kaj oni ne rajtas nomi koruptiton al tiu jam juĝita kaj ne kondamnita. Plej ofte, politikistoj havas leĝajn problemojn ĉar ili ŝtelis monon, helpis al iu ŝteli monon, aŭ io simile ĉiam rilate al mono malaperinta aŭ ne pagita kiel ĉefa problemo. En Hispanio, speciale dekstremuloj, politikistoj estas tre lertaj por ŝteli aŭ donaci ŝtatan monon al amikoj sen havi gravajn problemojn rilate al leĝoj. Tamen, estas grava senscio pri tio, kio estas koruptito kaj koruptado. Koruptito estas ne nur tiu, kiu ŝtelas monon, sed ankaŭ tiu, kiu konscie kreas leĝojn, kiuj damaĝas homojn kaj forigas homajn rajtojn aŭ kiuj preferas helpi senracie nur grandajn entreprenojn kaj bankojn, kaj tiaj leĝoj tre ofte, kvankam ne ĉiam, estas evidente produkto de koruptado. Mi ne bezonas nek pliajn pruvojn, nek permeson de juĝisto por akuzi kaj nomi al tiaj politikistoj koruptitojn. De la nuna hispana straro, tre malmultaj uloj, preskaŭ neniu, finas en malliberejo aŭ iel punitaj, tamen la tuta hispana straro estas korupta, kaj ili ĝuas tion.

bildo de Novatago

Komentoj

bildo de Tjeri

Multaj eraras ankaŭ pri senkulpeco.

Kiam juĝistoj ne kondamnas iun, tio ne signifas, ke tiu estas senkulpa.

Oni devas legi la konsiderojn de la juĝdecido. Ofte la juĝistoj klarigas, ke kvankam ili trovis seriozajn spurojn pri la kulpo, ili konsideras, ke tiuj spuroj ne estas sufiĉaj por kondamni. Tamen tiam la akuzito mensoge fanfaronas: "vidu, mi estas tute senkulpa, tiel juĝis la tribunalo."

Kiam la juĝistoj opinias, ke iu estas tute senkulpa, ili klare diras tion.


povigita de