"La tero, kiu volis forflugi" preskaŭ elĉerpiĝis. Baldaŭ aperos du niaj novaj libroj

Preskaŭ la tuta eldonkvanto de nia libro "La tero, kiu volis forflugi" (Dmitrij Ŝevĉenko, Anna Striganova. Impeto: 2009) elĉerpiĝis. Restis nur kelkaj ekzempleroj ĉe ni kaj iom ĉe la libroservo de UEA:

http://impeto.trovu.com/prozo/tero

Eventuale iom poste ni reeldonos ĝin.

Ni ankaŭ ĝojas informi vin, ke baldaŭ aperos nia nova libro "Subtera suno". Temas pri la daŭrigo de la serio de niaj filozofiaj fabelaj noveloj:

http://impeto.trovu.com/subtera_suno

Ni ankaŭ planas daŭrigi serion de la koloraj bildfabeloj. Unua el ili - "Ŝipeto Narklo" (Dmitrij Ŝevĉenko, Anna Striganova. Impeto: 2010) jam iĝis sufiĉe konata en Esperantujo:

http://impeto.trovu.com/fabelaj_mondoj/narklo

Ŝipeto Narklo Jam tre baldaŭ devas aperi la dua libro, kiu enhavas nian koloran bildfabelon "Gargoĉjo":

http://impeto.trovu.com/fabelaj_mondoj/gargochjo

Se vi partoprenos UK en Kopenhago, vi povos trovi niajn librojn en la kongresa libroservo.

Krome dum UK vi havos eblecon pli proksime konatiĝi kun niaj fabelaj mondoj, se vi vizitos aŭtoran duonhoron de Dima Ŝevĉenko kaj Anna Striganova, partoprenos Movadan Foiron aŭ kontaktos nin ie en la kongresejo :).

Speciala oferto: ni donacos la libron "La tero, kiu volis forflugi" al ĉiu, kiu mencios ĝin en la propra E-lingva blogo! Rapide kontaktu nin dum la kongreso, ĉar ni kunportos nur 5 ekz!