Ensaluto

Vikipedia artikolo pri efika altruismo

Ĵus mi fintradukis artikolon por vikipedio pri efika altruismo: https://eo.wikipedia.org/wiki/Efika_Altruismo
Mi ellasis tiujn tekstpartojn kiujn mi ne emis traduki kaj ankaŭ fuŝis iomete pri ligiloj kaj formatoj (ege ĝena afero ĉe vikipedio), sed eble vi tamen volas legi ĝin kaj eble eĉ plibonigi ĝin.
La angla artikolo pri tiu temo estas eĉ pli longa kaj ampleksa, sed kvankam mi pri ĝi eĉ povintus uzi maŝintradukaĵon kiel bazon, mi opiniis ĝin tro longa (kaj por la tradukanto kaj por la legantoj).
Ĝenerale efika altruismo, aŭ almenaŭ kelkaj ideoj de ĝi, ŝajnas al mi diskuteblaj kaj diskutindaj. Certe ne ĉiu samopinias, ke ĉiuj vivoj egale gravas.

bildo de Sunjo

Komentoj

bildo de Pablo

Aliflanke, pri la enhavo, mi tralegis ĝin, kaj tio memorigis min al la libro "la egoisma geno".

https://eo.wikipedia.org/wiki/Egoisma_geno

 

Mi rekomendas ĝin al vi.

bildo de Sunjo

estas bona rekomendo - mi ankoraŭ ne legis la libron, sed certe mi volas.

bildo de Pablo

Pri la facileco redakti la artikolon, antaŭ multe da tempo ke mi ne redaktas tie, sed min mirigis, ke ekzistas "redakti", kaj "redakti fonton". "Redakti" ŝajnas tre komforta maniero, kaj "Redakti fonton" estas la klasika maniero laŭ la vikia formato.

 

Kin vi uzis, ĉu redakti, aŭ redakti fonton?

bildo de Sunjo

Mi uzis "redakti fonton". Mi rigardis kiel oni faris tiajn aferojn en aliaj artikoloj kaj kopiis.

bildo de Pablo

Gratulon pro via granda artikolo!

 

Pri la longeco de la artikolo, Ĝi dependas:

- Por la hazardaj legantoj, jes, ĝi estas tro longa.

- Por vere interesantoj, mi opinias ke ne.

 

En Hispanio estas refreno "Nunca llueve a gusto de todos", kies traduko estus "La pluvon neniam ŝatas ĉiuj"

bildo de Sunjo

Jes, vi pravas :-)


povigita de