Esperanto.com: nia komunumo

Internacia Junulara Festivalo

31 mar 2010 00:00
6 apr 2010 10:30
Europe/Rome
bildo de Massimo

IJFonduso

http://iej.esperanto.it/ijf/2010/ijfonduso.eo.php

 

IJFonduso estas aparta stipendio por partopreni senpage Internacian Junularan Festivalon. Ĝi esence celas loĝantojn de malriĉaj landoj.
Regularo

Itala Esperantista Junularo

Dezirante
instigi la partoprenon de novaj esperantistoj al sia Internacia Junulara Festivalo, kiu okazos de la 31-a de marto ĝis la 6-a de aprilo 2010 en Roncegno (Trentino, Italio)

Decidas
estigi fonduson por junaj aliĝontoj al la Festivalo

Postulas
ke la geknaboj, kiuj volas profiti la fonduson, loĝu en land-kategorioj C aŭ D (vidu la paĝon pri kotizoj) kaj estu naskiĝintaj en la jaro 1980 aŭ poste

Premias
maksimume 3 geknabojn, kiuj rajtos senpage aliĝi al Internacia Junulara Festivalo kiel memzorgantoj dum la tuta periodo, kondiĉe, ke ili pretu doni iom da sia tempo por helpi surloke la organizantojn de IJF.
Bone, sed... kion mi devas fari?

Se vi loĝas en lando en la ĉi-supre menciitaj kategorioj C aŭ D, bonvolu peti pliajn informojn aŭ rekte sendi vian kandidatiĝon al ijf.admin@esperanto.it antaŭ la 28-a de februaro.

http://iej.esperanto.it/ijf/2010/ijfonduso.eo.php

bildo de Massimo

Novajhoj

• Ĉu vi loĝas en Italio, aĝas malpli ol 30, kaj lernis Esperanton per la reta kurso Kirek (aŭ ĉiukaze atingis la unuanivelan ekzamenon de la Itala Instituto de Esperanto?) Informiĝu pri la konkurso IIE-IEJ (http://iej.esperanto.it/ijf/2010/iieiej.php).

• Ĉu vi loĝas en malriĉa aŭ malproksima lando, kaj aĝas malpli ol 30? Itala Esperantista Junularo starigas apartan fonduson por aligi vin senpage. Pliinformiĝu ĉe la paĝo pri IJFonduso(http://iej.esperanto.it/ijf/2010/ijfonduso.eo.php).

• Ĉu vi loĝas en Germanio? Germanaj partoprenantoj ricevas subtenon por la vojaĝkostoj al IJF danke al la germana ministerio. Pliinformiĝu ĉe Germana Esperanto-Junularo: www.esperanto.de/gej.

• Ĉu vi gajnis niajn konkursojn IIE-IEJ aŭ IJFonduso en 2009 (kiam la festivalo nuliĝis pro tertremo)? Vi rajtas ĝuj vian premion ĉijare. Aliĝu per la reta formularo, klare indikante, ke vi estas pasintjara gajninto.