Ensaluto

Elkoraj kantoj en Esperanto

Pri la grupo

Aliĝo al la Grupo estas libera por ĉiuj. Kompreneble, mi atendas subtenon kaj helpon al efektivigo de miaj muzikaj-kulturaj-solidarecaj inicjatoj, kiuj

ĉiam celos al plivivigo de Esperanto kaj al kontribuo por plibonigi la vivon de kelkaj el la tro multaj mizeruloj en la mondo. Bonvolu, do, atente legi la suban prezentadon de mia kompaktdisko.

PRI  LA  KOMPAKTDISKO     DUONVOĈE . . .   TUTKORE “

Mi elektis kantojn,  ĝenerale famekonataj internaciskale. Do, la “ melodiojn “ multaj  jam konas: tio unuflanke utilas tikli la intereson sed, aliflanke, endanĝerigas mian verkon, ĉar spontanee oni povas fari komparon kun tiu de valoregaj , grandaj artistoj, ĉu ne ?  Bonvolu, kiel ajn, ne forgesi, ke mi estas nur amatoro. La tekstoj foje respegulas la originalon sed, plej ofte, mi devis aŭ volis, pli malpi  “ kruele “, ilin ŝanĝi, espereble plibonigi.

Pri la prononco, mi klopodis, ke ĝi estu ĝusta, almenaŭ laŭ la ekzemplo, kiun ni povas ricevi aŭskultante la siatempe registritajn voĉojn de Zamenhof kaj de aliaj tiel nomataj “ patroj de Esperanto “. Precipe mi priatentis la akcentadon de la vortoj, kiu, laŭ mi, ankaŭ en muziko devas nepre respekti la regulon “ fali sur la antaŭlastan vokalon “.

Vi povas tial kompreni, ke mia preparlaboro por la disko ne estis facila kaj senzorga kaj mi asertas, eble kontraŭ la ofta onidiro “ ke Esperanto estas facilega lingvo “ , ke Esperanto estas belega lingvo por kanti sed ne tre facila por tia uzo, ĉar oni devas daŭre klopodi, ke ĉio estu klare komprenebla. Se al tiu celo mi sukcesis eĉ nur alproksimiĝi, do mi kontentiĝas, kun espero, tamen, ke ĝin mi preskaŭ trafis.

WWW.VINILKOSMO.COM  vendos la diskon, komence de marto.

Tamen, mi informas vin, ke “ La enpezota pervendada mono iros al “ EVIDENTE  “, neprofitcela, bonfara Organizo, kiu kuracas senpage blindulojn  -  laŭ la ekzemplo de Zamenhof  -  kaj en Kinŝaso,  ĉefurbo de Kongujo, estras lernejon por malriĉaj, blindaj infanoj, prizorgataj de Esperantistoj.

Pri  EVIDENTE : Stichting Zienderogen/Fondaĵo Evidente, Henegouwenlaan 35, 1966

                            RH  Heemskerk, Nederlando – notarile registrita organizaĵo, imposte

                            akceptita fondaĵo por bonaj celoj.

                             ING-BANKO, konto 1.20.100; IBAN: NL20INGB0001020100; BIC: INGBNL2A.                                                                               

   

                          

 

Refoje  kaj elkore mi dankas vin, se vi aĉetos la diskon, por mia spirita ĝojo kaj kun certeco, ke vi ricevos ege pli valoran dankon el la koro de tiuj infanoj de Kinŝaso.

 

Elkoraj kantoj en Esperanto

 

Elkoraj kantoj en Esperanto

  • Vi devas registriĝiensaluti por membriĝi en grupo, komenti kaj aldoni informojn al ĝi.


povigita de