Esperanto.com: nia komunumo

Informejo de Esperanto.com

Tio estas komuna publika blogo de la teamo de Esperanto.com. En ĝi aperos diversaj novaĵoj kaj anoncoj pri esperantista virtuala komunumo.

bildo de Dima Ŝevĉenko

Esperanto.com estas amaskomunikila patrono de fotokonkurso “Esperantaĵoj de PEJ”

Publikita 3 aprilo, 2010 - 14:38de Dima Ŝevĉenko

Fotokonkurso Pola Esperanto-Junularo lanĉas fotokonkurson pri esperantaĵoj de PEJ! Temas pri jenaj produktoj:

  • T-ĉemizo “Lingva revolucio”
  • T-ĉemizo “ijk09″
  • T-ĉemizo “Ago-Semajno 2006″
  • Botelmalfermilo “Esperanto - Probably the best language in the world”

    Ni atendas fotojn de la esperantaĵoj kaj…
    …plej neordinaraj lokoj
    …plej mojosaj situacioj
    …plej diversaj anguloj de la mondo
    …plej neforgeseblaj momentoj
    …plej strangaj kuntekstoj
    …plej famaj vidindaĵoj

    Pliaj detaloj ->

    • bildo de Dima Ŝevĉenko

    Esperanto.com: novaj eblecoj kaj atingoj

    Publikita 11 februaro, 2010 - 15:11de Dima Ŝevĉenko

    Nia virtuala komunumo jam kreskis ĝis pli ol 600 uzantoj, kiuj aktive aldonas blogaĵojn, komentas, diskutas kaj amikumas.
    Dum la lastaj tagoj nia teamo sukcesis solvi plurajn teknikajn problemojn kaj korekti erarojn, tamen ili ankoraŭ restas.
    Ni dankas ĉiujn esperantistojn pro la kunlaboro. Grupo de "Teknikaj demandoj" estas plenŝutita per rimarkoj.
    Ni strebas solvi ĉiujn, sed por tio ni bezonas tempon.

    Tamen paralele ni aldonis al Esperanto.com sekvajn eblecojn:

    - Nun uzantoj povas forigi proprajn komentojn
    - Komuna paĝo de blogaĵoj (http://esperanto.com/blog) nun havas supre butonon de RSS-fluo kaj klarigojn.
    Uzu ĝin kaj diskonigu al viaj retejoj kaj servoj!
    - Aperis grava ebleco serĉi amikojn, uzante variajn opciojn:
    http://esperanto.com/serchi_uzantojn
    Provu nun!
    - Ni kreis specialan Google-grupon por anonci pri novaĵoj en infromejo. Vi povas aboni ĝin, uzante kampon dekstre en grupo de la informejo ->

    Nia teamo ankoraŭfoje dankas ĉiujn, kiuj kontribuas kaj helpas al la projekto!
    Invitu viajn amikojn aliĝi kaj ni montros, ke Esperanto vivas!

    bildo de Dima Ŝevĉenko

    Esperanto.com: unuaj paŝoj

    Publikita 5 februaro, 2010 - 19:25de Dima Ŝevĉenko

    Pasis nur kelkaj tagoj post la prezento de Esperanto.com al la vasta esperantista publiko. Sed al ĝi jam aliĝis pluraj centoj da esperantistoj.
    Ni ĉiutage ricevadas dekojn da mesaĝoj kaj komentojn kun teknikaj demandoj, konsiloj kaj pri eraroj en la tradukoj. Ni respondos al ĉiuj el ili,
    sed ni bezonas iom da tempo por tio. Dum Esperanto.com havas signon "beta" vi povas trovi iujn erarojn, tio estas neevitebla.
    Kiam vi trovas ilin, iru al speciala grupo kaj anoncu pri ili:
    http://esperanto.com/grupoj/teknikaj-demandoj

    Komence ni klarigu unu momenton, por similaj demandoj plu ne aperu.
    Esperanto.com ne celas anstataŭigi jam ekzistantajn komunumojn kun esperantlingva interfaco.
    Esperantistoj neniukaze devas forlasi neesperantistajn sociajn retojn, ĉar tio montras, ke Esperanto estas uzata kaj vivas!
    Esperanto.com kunigas esperantistojn el pluraj retoj, sed NE celas anstataŭigi ilin.
    Tio estas du tute diversaj kaj valoraj branĉoj de la agado!

    Ĉefaj celoj de Esperanto.com estas:

    1. Kunigi en unu loko plurajn esperantistojn, kiuj jam apartenas aŭ ne al aliaj sociaj retoj
    2. Helpi al esperantistoj komuniki kaj praktiki la lingvon en pure esperanta virtuala medio
    3. Kunigi blogojn en Esperanto en unu loko (Necesas konsideri, ke esperantistoj, kiuj jam havas blogojn ĉe la aliaj servoj, prefere paralele publikigu
    la samajn blogaĵojn ankaŭ en Esperanto.com por informi pli da esperantistoj, sed ne ĉesu publikigi ilin en la antaŭa loko. Esperantistoj, kiuj ankoraŭ ne havas blogon,
    sed volas ĝin havi, havas bonan ŝancon por tio)
    4. Kunigi informojn pri diversaj esperantistaj eventoj en unu loko kun komuna kalendaro. Ĉiu uzanto povu aliĝi al ili, havi freŝajn informojn,
    diskuti aŭ fari demandojn ks.
    5. Doni eblecon al organizoj, entreprenoj, kluboj, eldonejoj ks. havi proprajn grupojn, reklami, agadi kaj montri rezultojn de la agado al la