Ensaluto

Incendio

bildo de VINILKOSMO

Postincendia bilanco de Vinilkosmo

Jen ĉi tie bilanco postincendia de Vinilkosmo aperinta ĉe Ĉinan Radio Internacia (intervjuo kun Flo realigita de Lina).
esperanto.cri.cn/641/2012/04/20/1s135078.htm (por aŭskulti uzu RealPlayer klakante ĉe la kapaŭskultilo)
La granda novaĵo estas ke, ekde la 1a de aprilo ni trovis asekurkompanion kiu konsentas asekuri niajn ejojn ... tio evitis la fermon de Vinilkosmo-ekzercejoj kaj studion.
Ankaŭ dank'al tio ni povis eki la rekonstruadon de la detruitaj ejoj.

Por iom bildigi la raportan intervjuon, jen kelkaj fotoj por montri kiel evoluis kaj statas la rekonstruo de la detruitaj ejoj (ekzercejo kaj stokejo).

Malkonstruado daŭris de februaro ĝis fino de marto kun paŭzo de 15 tagoj pro neĝo kaj malvarmo.
Poste ekde la 2a de aprilo ekis la rekonstruado far de entrepreno.

La mono de la asekuro kovros la kostojn de la rekonstrado ĝis la tegmento.

La internan parton (akustikan izoladon de la muroj kaj plafonoj, elektro-instalaĵon, ktp...) ni devos memfini per propraj rimedoj kaj tio povos daŭri plurajn monatojn ĝis plena fino.

Fina malkonstruo de la ejo Fina malkonstruo de la ejo

bildo de VINILKOSMO

Informletero de Vinilkosmo N-ro 33 Aprilo 2012

Saluton !
La fajro en kelkaj ejoj ĉe Vinilkosmo kaŭzis grandajn zorgojn kaj eluzon de multa energio
en la fino de la pasinta jaro. Sed la unua trimonato de 2012 estas tre riĉa je projektoj kaj
novaĵoj. Kaj do ni havas la jenan okazon paroli al vi pri pli ĝojaj perspektivoj.

La ĉefa evento estas sendube la publikiĝo de la unua tutesperanta albumo de Zhou-Mack
Mafuila. Li estas delonga muzikisto kun muzikaj kaj kulturaj radikoj tro diversaj por
prirakonti alie ol en la lingvo por ĉiuj. Li estas absolute malkovrenda!

Ankaŭ Eterna Rima preparas surprizon por la venonta monato, kaj konfirmas la ĉeeston
de hiphopo en la vasta kantmuzika horizonto en esperanto. Li ofertas kaptindan
ekskluzivaĵon dum la tuta monato majo.

Malsupre ni prezentas kelkajn videofilmojn kaj muzikeltiraĵojn, kaj ankaŭ novan
aŭskultindan retradion.

Ni esperas ke vi pasigos agrablan momenton de senstreĉiĝo!

************

Vinilkosmo-Novaĵoj

*******************


Originoj - Zhou-Mack Mafuila - vkkd 110

Abonrilata enhavo


povigita de