Ensaluto

Kalio

Tri tagoj en Kalio

[Ĉi tiu estas elĉerpaĵo el mia taglibro. Kvankam mi ĝin skribas en la hispana, ĉi tiu parto estis originale verkita en Esperanto. Temas pri mia ĉeesto en la 18-a Kolombia Kongreso de Esperanto. Vi povas vidi la tradukon al la hispana en mia hispanlingva blogo: http://kreverk.blogspot.com/2012/11/tri-tagoj-en-kalio.html.]

MARŜADO TRA DUON-KALIO. Kalio, S 3 ♏ 2012.

Kun mia teléfono tute mortinta, mi ne portis horloĝon, do mi decidis leviĝi tiel frue kiel mi vidu la sunlumon trans la fenestreto de la ĉambro. Tiel estis; mi leviĝis, baniĝis kaj vesti

ĝis; kiam mi redonis la ŝlosilojn de la ĉambreto, la gastigistino respondis, ke estis la sesa kaj duono de la mateno; ho, pli frue ol mi pensis—tro frue. Mia hipotiroidismo devigis min serĉi akvon por transgorĝigi mian medicinaĵon kaj atendi dum almenaŭ duonhoro antaŭ ekmanĝi. Post marŝi iom kaj sidiĝi dum kelka tempo en bela placeto kun akvofonto, mi finfine serĉis manĝejon. Mi ne havis la adreson de la lernejo kie la Kongreso okazus, do mi serĉis tuj interretejon; mi profitis por paroli kun Aleĥandra kaj revizii mian retpoŝton; la kongresejo ne estis proksime al mia tiama pozicio, sed mia decido estis la jena: mi havis ankoraŭ unu horon antaŭ la ekhoro de la evento (la deka matene), do mi ne irus tuj per veturilo, sed mi marŝus tiudirekten kaj, kiam la horo alvenus, mi prenus taksion, jam pli malmultekostan pro la alproksimiĝo. Mi jam estis reteleofoninta Linan; ŝi estis en sia universitato; ni reparolus nokte.

bildo de kreverk
bildo de Juan Sebastian Quintero Santacruz

Malfermita invito

Ni volas inviti al la 18-a Kolombia Kongreso de Esperanto al ĉiuj esperantistoj kiu volas veni kaj partopreni kune kun ni, ni ĝojus havi eksterlandajn kongresontojn ĉe ni. La kongreso okazos inter la 3-a (sabate) kaj la 5-a (lunde) de novembro. Ni aranĝas montradon de nia kulturo kaj vidindaĵoj. Venu al Kalio!

Abonrilata enhavo


povigita de